Fótbolti

Svona var fyrsti blaða­manna­fundur Arnars

Sindri Sverrisson skrifar
Arnar Gunnlaugsson á fundinum í dag þar sem hann tilkynnti sinn fyrsta landsliðshóp.
Arnar Gunnlaugsson á fundinum í dag þar sem hann tilkynnti sinn fyrsta landsliðshóp. vísir/Sigurjón

Landsliðsþjálfarinn Arnar Gunnlaugsson kynnti sinn fyrsta landsliðshóp og sat fyrir svörum í beinni útsendingu á Vísi, á blaðamannafundi KSÍ í Laugardal.

Arnar hefur nú valið hópinn sem mætir Kósovó í tveimur leikjum í umspili Þjóðadeildarinnar, 20. mars í Kósovó og 23. mars á Spáni í heimaleik Íslands. Sigurliðið í einvíginu spilar í B-deild Þjóðadeildar á næsta ári en tapliðið spilar í C-deildinni.

Myndband frá blaðamannafundi Arnars má sjá hér að neðan.

Klippa: Fyrsti blaðamannafundur Arnars

Arnar tók við sem landsliðsþjálfari 15. janúar, eftir frábæran árangur sem þjálfari Víkings. Hann tók við starfinu af Åge Hareide og hefur að mestu leyti haldið sig við sama þjálfarateymi, svo Davíð Snorri Jónasson er áfram aðstoðarlandsliðsþjálfari.

Leikirnir við Kósovó eru fyrstu leikir Íslands undir stjórn Arnars en bið verður eftir fyrsta leik hans á Laugardalsvelli þar sem framkvæmdir standa yfir til að gera völlinn leikhæfan stærri hluta árs en áður. Því verður heimaleikur Íslands gegn Kósovó í Murcia á Spáni.

Ísland spilar svo vináttulandsleiki ytra gegn Skotlandi og Norður-Írlandi 6. og 10. júní, áður en undankeppni HM fer fram í haust en hún hefst með leik við Aserbaídsjan 5. september. Í undanriðli Íslands verða einnig Úkraína og svo sigurliðið úr einvígi Króatíu og Frakklands nú í mars.

Landsliðshópur Íslands gegn Kósovó:

Elías Rafn Ólafsson - FC Midtjylland - 6 leikir

Hákon Rafn Valdimarsson - Brentford F.C. - 17 leikir

Lúkas J. Blöndal Petersson - TSG Hoffenheim

Valgeir Lunddal Friðriksson - Fortuna Düsseldorf - 15 leikir

Bjarki Steinn Bjarkason - Venezia FC - 4 leikir

Sverrir Ingi Ingason - Panathinaikos F.C. - 55 leikir, 3 mörk

Aron Einar Gunnarsson - Al-Gharafa SC - 104 leikir, 5 mörk

Guðlaugur Victor Pálsson - Plymouth Argyle F.C. - 47 leikir, 2 mörk

Logi Tómasson - Stromsgodset - 7 leikir, 1 mark

Mikael Neville Anderson - AGF - 31 leikur, 2 mörk

Hákon Arnar Haraldsson - LOSC Lille - 19 leikir, 3 mörk

Stefán Teitur Þórðarson - Preston North End F.C. - 25 leikir, 1 mark

Þórir Jóhann Helgason - U.S. Lecce - 16 leikir, 2 mörk

Arnór Ingvi Traustason - IFK Norrköping - 63 leikir, 6 mörk

Júlíus Magnússon - IF Elfsborg - 5 leikir

Ísak Bergmann Jóhannesson - Fortuna Düsseldorf - 31 leikur, 4 mörk

Mikael Egill Ellertsson - Venezia FC -19 leikir, 1 mark

Jón Dagur Þorsteinsson - Hertha BSC - 42 leikir, 6 mörk

Albert Guðmundsson - ACF Fiorentina - 37 leikir, 10 mörk

Kristian Nökkvi Hlynsson - Sparta Rotterdam - 2 leikir

Willum Þór Willumsson - Birmingham City F.C. - 15 leikir

Andri Lucas Guðjohnsen - K.A.A. Gent - 30 leikir, 8 mörk

Orri Steinn Óskarsson - Real Sociedad - 14 leikir, 5 mörk

Landslið karla í fótbolta Þjóðadeild karla í fótbolta

Tengdar fréttir

Aron Einar og Lúkas í fyrsta hópi Arnars

Arnar Gunnlaugsson hefur valið fyrsta landsliðshóp sinn, fyrir komandi leiki við Kósovó í umspilinu um sæti í B-deild Þjóðadeildarinnar í fótbolta.

Orri nýr fyrirliði Íslands

Orri Óskarsson, hinn tvítugi framherji Real Sociedad, er orðinn nýr fyrirliði íslenska landsliðsins í fótbolta. Þetta tilkynnti Arnar Gunnlaugsson, nýr landsliðsþjálfari, í dag.

Mest lesið


Fleiri fréttir

Sjá meira


×

Mest lesið