Tiger Woods sleit hásin

Woods sagði jafnframt frá því að hann hafi þegar farið í aðgerð og að hún hafi gengið vel.

Woods hefur verið afar óheppinn með meiðsli undanfarin ár og þetta bætist við það.

Woods meiddist þegar hann ætlaði að keyra upp æfingar sínar heima hjá sér en hann hefur misst af síðustu mótum eftir fráfall móður sinnar.

Woods er 49 ára gamall en læknar búast við því að hann náði sér að fullu. Woods er nú kominn heim til sín í Jupiter í Florida fylki þar sem hann hugar að endurhæfingu.

Það er ekki vitað hvenær Woods snýr aftur í keppni en það bendir allt þess að hann verði ekkert meira með á þessu ári og missi einnig af stórum hluta næsta árs líka.

Woods missti móður sína 4. febrúar síðastliðinn og hefur ekkert spilað síðan. Hann ætlaði að vera með Genesis Invitational mótinu en hætti við þátttöku af því hann var ekki tilbúinn eftir móðurmissinn.

Woods tók síðast þátt í PGA mótaröðinni í júlí á síðasta ári þegar hann missti af niðurskurðinum á Opna breska meistaramótinu. Hann fór síðan í bakaðgerð í september.

Woods hefur unnið fimmtán risamót á ferlinum en aðeins Jack Nicklaus (18) hefur unnið fleiri.