„Af hverju ertu að sýna þetta hægt?“

Kyrie Irving sleit krossband á dögunum og leikur ekki meira með Dallas Mavericks á leiktíðinni. Um mikla blóðtöku er að ræða enda skipti liðið Luka Doncic til Los Angeles Lakers fyrir skemmstu.

Irving hefur áður glímt við hnémeiðsli en hefur þó ekki slitið hnéð með þessum hætti. Það gæti reynst erfitt fyrir 35 ára gamlan manninn að vinna sig til baka.

Það fór fyrir hjartað á Herði Unnsteinssyni þegar atvikið var sýnt hægt þegar Irving sleit í hnénu. „Af hverju ertu að sýna þetta hægt?“ spurði Hörður.

Umræðuna má sjá að ofan en auk Harðar munu þeir Leifur Steinn Árnason og Tómas Steindórsson gera NBA-vikuna upp af sinni alkunnu snilld ásamt þáttastjórnandanum Kjartani Atla Kjartanssyni.

Lögmál leiksins er á dagskrá á Stöð 2 Sport 2 klukkan 20:00 í kvöld.