Snerting, Ljósbrot og Ljósvíkingar bítast um Edduna

Oddur Ævar Gunnarsson skrifar 25. febrúar 2025 13:56

Tilnefningar til Eddunnar, íslensku kvikmyndaverðlaunanna, 2025 hafa verið gerðar opinberar. Snerting, Ljósbrot og Ljósvíkingar eru tilnefndar í flokki kvikmyndar ársins.

Þetta er meðal þess sem fram kemur í tilkynningu. Þar segir að verðlaunin hafi verið veitt árlega af Íslensku kvikmynda- og sjónvarpsakademíunni (ÍKSA) frá árinu 1999. Edduverðlaunin verða afhent þann 26. mars í beinni útsendingu á Rúv.

Á síðasta ári voru kvikmynda- og sjónvarpsverðlaunin aðskilin og Edduverðlaunin veitt í fyrsta sinn fyrir kvikmyndaverk eingöngu. ÍKSA sér áfram um Edduverðlaunin, þar sem eingöngu er verðlaunað fyrir kvikmyndaverk. ÍKSA á ekki aðkomu að fyrirhuguðum sjónvarpsverðlaunum, sem nýlega voru kynnt.

Á Eddunni 2025 verða veitt samtals tuttugu verðlaun til kvikmyndaverka sem frumsýnd voru á tímabilinu 1. janúar til 31. desember 2024.

Þá verða heiðursverðlaun ÍKSA veitt, ásamt því að erlend kvikmynd ársins verður verðlaunuð sem og uppgötvun ársins en þau verðlaun fær einstaklingur sem ekki hefur hlotið tilnefningu áður í viðkomandi fagverðlaunaflokki en hefur vakið sérstaka athygli fyrir framúrskarandi framlag á árinu.

Alls bárust 72 verk og 129 innsendingar til fagverðlauna að þessu sinni. Met var slegið í innsendum verkum í ár en aukningin frá því í fyrra er rúm 80%.

Heimildamyndir voru átján, heimildastuttmyndir ellefu, kvikmyndir í fullri lengd níu, stuttmyndir 26 og erlendar kvikmyndir átta. Fjörutíu einstaklingar sátu í átta valnefndum fyrir hina tuttugu verðlaunaflokka. Meðlimir ÍKSA munu kjósa um tilnefningarnar og stendur kosning frá 1. mars til.17. mars. KPMG hefur yfirumsjón með kosningu og talningu atkvæða.

Tilnefningar eru sem hér segir:

BARNA- OG UNGLINGAEFNI ÁRSINS

Geltu

Heimavist

Kirsuberjatómatar

ERLEND KVIKMYND ÁRSINS

All of us strangers

Elskling

Perfect Days

Poor things

Substance

HEIMILDARMYND ÁRSINS