Svona skiptust atkvæðin í Söngvakeppninni í heild sinni

Kolbeinn Tumi Daðason skrifar 24. febrúar 2025 15:33

Það var ansi gott VÆB hjá samnefndum bræðrum á laugardagskvöldið. Vísir/Hulda Margrét

Lagið Róa bar sigur úr býtum á úrslitakvöldi Söngvakeppninnar 2025 sem fram fór í beinni útsendingu á RÚV síðasta laugardagskvöld. Lagið var hlutskarpast í símakosningu almennings bæði í undankeppninni og lokakeppninni. Þá voru erlendu dómararnir líka ánægðastir með lagið.

Þetta kemur fram í tilkynningu frá Ríkisútvarpinu.

Lagið, sem er eftir þá Matthías Davíð Matthíasson, Hálfdán Helga Matthíasson, Inga Þór Garðarsson og Gunnar Björn Gunnarsson, hafnaði í efsta sæti bæði hjá alþjóðlegri dómnefnd og í símakosningu almennings. Lagið fékk einnig flest símaatkvæði í undanúrslitunum.

Söngvakeppnin fór fram á þremur kvöldum. Fyrri tvö laugardagskvöldin kepptu fimm lög hvort kvöld og þrjú komust áfram í gegnum símakosningu almennings. Sex lög kepptu svo til úrslita 22. febrúar en þá hafði alþjóðleg dómnefnd sjö landa helmingsvægi á móti símakosningu almennings.

Að neðan má sjá úrslit keppninnar. Þar vekur athygli að nokkur munur var á lögunum í þriðja sæti og því fjórða bæði undanúrslitakvöldin. Lögin Róa með VÆB vann fyrri undanúrslitin með nokkrum mun en meiri spenna var seinna undanúrslitakvöldið á milli Þrá með Tinnu og Elds með Júlí og Dísu.

Fyrri undanúrslit 8. febrúar - Símakosning almennings

1. Róa - VÆB: 12.649 atkvæði (30,40%)

2. Eins og þú - Ágúst: 10.069 atkvæði (24,20%)

3. Frelsið mitt - Stebbi JAK: 8.853 (21,28%)

4. Ég flýg í storminn - Birgo: 5.089 atkvæði (12,23%)

5. Norðurljós - BIA: 4.945 atkvæði (11,89%)

Lögin RÓA, Eins og þú og Frelsið mitt komust þá áfram í úrslit.

Seinni undanúrslit 15. febrúar - Símakosning almennings

1. Þrá - Tinna: 9.846 atkvæði (23,30%)

2. Eldur - Júlí og Dísa: 9.469 atkvæði (22,41%)

3. Aðeins lengur - Bjarni Arason: 9.323 atkvæði (22,06%)

4. Flugdrekar - Dagur Sig: 7.400 atkvæði (17,51%)

5. Rísum upp - Bára Katrín: 6.218 atkvæði (14,72%)

Lögin Þrá, Eldur og Aðeins lengur komust þá áfram í úrslit.

Vægi erlendra dómara fimmtíu prósent

Á úrslitakvöldinu hafði alþjóðleg dómnefnd, skipuð fulltrúum sjö landa, helmingsvægi á við atkvæði almennings. Hvert land gaf lögunum 5, 6, 7, 8, 10 og 12 stig.

Úrslit Söngvakeppninnar 22. febrúar - Atkvæði dómnefndar

1. RÓA - VÆB: 74 stig

2. Fire - Júlí og Dísa: 63 stig

3. Set Me Free – Stebbi JAK – 57 stig

4. Words – Tinna: 53 stig

5. Like You – Ágúst: 45 stig

6. Aðeins lengur – Bjarni Arason: 44 stig

Símatkvæði almennings á úrslitakvöldinu voru samtals 131.956 og voru þau atkvæði reiknuð í stigafjölda út frá heildarstigafjölda dómnefndar. Almenningur gat kosið með því að hringja eða senda sms í númer viðkomandi lags og í gegnum appið RÚV Stjörnur.

Segja má að þrjú lög hafi verið í sérflokki en efstu þrjú lögin voru með 75 prósent atkvæða úr símakosningunni.

Úrslit Söngvakeppninnar 22. febrúar - Símakosning almennings

1. RÓA - VÆB: 36.535 atkvæði (27,7%) - 93 stig

2. Set Me Free - Stebbi JAK: 33.202 atkvæði (25,2%) - 85 stig

3. Fire - Júlí og Dísa: 29.010 atkvæði (22,0%) - 74 stig

4. Aðeins lengur - Bjarni Arason: 15.266 atkvæði (11,6%) - 39 stig

5. Like You - Ágúst: 9.104 atkvæði (6,9%) - 23 stig

6. Words - Tinna: 8.839 atkvæði (6,7%) - 22 stig

Þegar atkvæði dómnefndar og almennings voru lögð saman lágu úrslitin fyrir.

Lokaúrslit Söngvakeppninnar 22. febrúar - Dómnefnd og símakosning

1. RÓA - VÆB: 167 stig

2. Set Me Free - Stebbi JAK: 142 stig