Frá þessu greinir danski miðillinn Tipsbladet sem segir að tveir markverðir FCK, Rúnar Alex og Theo Sander, hafi fengið sömu skilaboð um að koma sér í burtu í félagaskiptaglugganum sem nú er opinn til 3. febrúar.
FC København har givet de to målmænd Theo Sander og Rúnar Alex Rúnarsson klar besked om, at de gerne må finde andre steder at stå på mål i dette transfervindue. De to keepere har slet ikke været brugt i vinteropstartens testkampe. https://t.co/Ef4X9GJRrf
— Farzam Abolhosseini (@F_Abolhosseini) January 25, 2025
Þessar fréttir koma ekki á óvart því Rúnar Alex hefur sárafá tækifæri fengið hjá FCK og ekki einu sinni spilað í æfingaleikjunum nú á meðan að hlé er í dönsku úrvalsdeildinni.
Frá því að Rúnar Alex kom til FCK frá Arsenal, fyrir ári síðan, hefur hann ekki fengið að spila einn einasta deildarleik og í síðustu þremur leikjunum fyrir jól var hann ekki einu sinni á varamannabekknum.
Samningur Rúnars Alex við FCK gildir hins vegar til sumarsins 2027.
