Innlent

Af­lýsa óvissustigi vegna Bárðar­bungu

Samúel Karl Ólason skrifar
Áfram verður fylgst með Bárðarbungu þó virkni hafi verið lítil frá því á mánudag.
Áfram verður fylgst með Bárðarbungu þó virkni hafi verið lítil frá því á mánudag. Vísir/RAX

Ríkislögreglustjóri hefur aflýst óvissustigi Almannavarna vegna skjálftavirkni í Bárðarbungu. Óvissustigi var lýst yfir á þriðjudaginn eftir töluverðar skjálftavirkni við Bárðarbungu degi áður en lítil virkni hefur greinst á svæðinu síðan þá.

Skjálftahrinan á mánudaginn var sú kröftugasta sem mælst hefur frá síðustu eldsumbrotum í Bárðarbungu frá 2014 til 2015.

Í tilkynningu frá Almannavörnum segir að ekki sé útilokað að jarðskjálftavirkni á svæðinu taki sig aftur upp og að nokkur óvissa sé um hver þróunin verði. Áfram verði fylgst með svæðinu.

Eldgos og jarðhræringar Bárðarbunga Almannavarnir

Tengdar fréttir

Lítil virkni frá hrinunni

Lítil jarðskjálftavirkni hefur mælst í Bárðarbungu síðan áköf jarðskjálftahrina varð þar í gærmorgun á milli klukkan 6 og 9. Stakur skjálfti 2,4 að stærð mældist klukkan 17:17 síðdegis í gær en annars hefur verið lítil skjálftavirkni. Þó er ekki útilokað að jarðskjálftavirkni á svæðinu taki sig aftur upp á næstunni.

Ró­legt við Bárðar­bungu

Rólegt var við Bárðarbungu í nótt en jarðskjálftahrina hófst þar í gærmorgun og náði hámarki klukkan 8:05 þegar stærsti skjálftinn, 5,1 að stærð, mældist.

Óvissustig vegna skjálfta í Bárðarbungu

Ríkislögreglustjóri hefur lýst yfir óvissustigi Almannavarna vegna aukinna skjálftavirkni í Bárðarbungu. Öflug jarðskjálftahrina hófst þar klukkan morgun og hafa um 130 skjálftar mælst. Sá stærsti var 5,1 að stærð.

Mest lesið


Fleiri fréttir

Sjá meira


×

Mest lesið