Sér­fræðingar Úti­lífs að­stoða við val á rétta búnaðinum

Gönguskíðadeildin býður upp á úrval frá Salomon, Rossignol og Åsnes, auk fatnaðar frá Rossignol og Craft. Fyrir snjóbrettaáhugafólk má nefna Bataleon, Clew og Horsefeathers, sem og önnur vönduð vörumerki sem tryggja framúrskarandi gæði og árangur.

Það sem gerir skíðadeildina einstaka er framúrskarandi þjónusta reyndra sérfræðinga sem leggja metnað í að aðstoða viðskiptavini við val á réttu vörum fyrir þeirra þarfir og áherslur.

Nú er rétti tíminn til að huga að skíðabúnaði heimilisins, enda er skíðatímabilið að hefjast bæði hér á landi og erlendis. Auk þess styttist í jólin, og hvað er betra en að gefa skíðavörur í jólagjöf sem bæði stuðla að góðri hreyfingu og frábærum samverustundum með fjölskyldu og vinum?

Útilíf leggur mikla áherslu á persónulega ráðgjöf og framúrskarandi þjónustu. Starfsfólk skíðadeildar Útilífs þekkir vel til vetraríþrótta, enda flest skíðað frá blautu barnsbeini. Sú reynsla skilar sér beint í frábærri þjónustu til viðskiptavina. Mikilvægt er einnig að huga að viðhaldi og stillingum á skíðum eftir kaupin, og þar er starfsfólk Útilífs ávallt reiðubúið til að aðstoða.

„Það er ótrúlega gefandi að finna rétta búnaðinn fyrir hvern og einn viðskiptavin,“ segir Snorri Páll Guðbjörnsson, sem er einn helsti sérfræðingur skíðadeildarinnar. Með áralanga reynslu í skíðakennslu og sérhæfingu í að sérsníða skíðaskó fyrir óhefðbundið fótalag, hefur Snorri hjálpað mörgum að komast í brekkurnar með réttu lausnina.

Í gönguskíðadeildinni er áherslan á gæði og sérhæfða ráðgjöf. „Við vinnum með frábær vörumerki eins og Salomon, Rossignol og Åsnes,“ segir Óskar Ragnar Jakobsson, sem hefur byggt upp traust samband við gönguskíðafólk í gegnum árin. Aðstoð hans hefur reynst ómetanleg fyrir bæði byrjendur og lengra komna í íþróttinni.

Þegar kemur að snjóbrettadeildinni hefur Aron Máni Alfreðsson, sem hefur starfað hjá Útilíf í fimm ár, lyft grettistaki. „Það skiptir mig miklu máli að bæði byrjendur og lengra komnir fái bestu mögulegu ráðgjöf,“ segir hann. Með sérþekkingu á snjóbrettum, bindingum og fatnaði frá vörumerkjum eins og Bataleon og Horsefeathers hefur Aron byggt upp deild sem mætir þörfum brettafólks á öllum getustigum.

Allt þetta er unnið í góðu samstarfi við Gauta Sigurpálsson, sem hefur starfað hjá Útilífi í 25 ár og ber ábyrgð á innkaupum á skíðavörum. Með áralanga reynslu og dýrmæta þekkingu á skíðaheiminum hefur Gauti tryggt að úrvalið sé ávallt í takt við nýjustu strauma og að viðskiptavinir fái bestu fáanlegu vörurnar fyrir vetraríþróttir.

Skíðadeild Útilífs er staðsett í glæsilegri verslun í Skeifunni 11, sem opnaði 2023. Verslunin býður upp á rúmgóð bílastæði og er í göngufæri við Glæsibæ, þar sem fyrsta Útilífsverslunin opnaði fyrir 50 árum. Margir eiga góðar minningar frá þeirri verslun og keyptu jafnvel þar fyrstu skíðin eða skíðaskóna.

Frekari upplýsingar um vörur og þjónustu má finna á heimasíðu Útilífs.