Gerður í Blush gladdi konur í Köben

Þetta kemur fram í tilkynningu frá félaginu.

Þar segir að innblástur og orka hafi fyllt salinn á Norðurbryggju þegar fjórar konur úr atvinnulífinu héldu erindi, konur sem allar hafa rutt veginn með þrautseigju og þekkingu hver á sínu sviði.

Það voru þær Fida Abu Libdeh stofnandi og forstjóri GeoSilica, Gerður Arinbjarnar, stofnandi og forstjóri Blush, Guðný Lára Árnadóttir, verkefnastjóri hjá Moon og Þórey Vilhjálmsdóttir Proppé, stofnandi og framkvæmdastjóri Öldu sem allar héldu erindi fyrir ráðstefnugesti. 

Laufey Karítas Einarsdóttir Langkjær, eigandi Karitas Flow, leiddi ráðstefnugesti í gegnum stutta hugleiðslu og listakonan og tónskáldið, Katrín Helga Ólafsdóttir, þekkt sem K.óla, bauð viðstöddum upp á örtónleika.

Að lokinni formlegri dagskrá hélt gleðin áfram, langt fram eftir kvöldi, þar sem íslenskar veitingar voru á boðstólum.

Ljósmyndarinn Kaja Sigvalda var á staðnum og fangaði stemninguna.