Dæmdir í kyrrþey og fá ekki að segja sína hlið Valur Páll Eiríksson skrifar 17. október 2024 08:02 Bjarni Helgason, varaformaður íshokkídeildar SR, gagnrýnir Íshokkísamband Íslands fyrir málsmeðferðina í málunum tveimur. Vísir/Stöð 2 Varaformaður Skautafélags Reykjavíkur gagnrýnir Íshokkísamband Íslands harðlega í ljósi mála sem hafa skekið sambandið að undanförnu. Friður fáist ekki í hreyfinguna fyrr en þau verði leidd til lykta og til þess þurfi utanaðkomandi aðila. „Við teljum málsmeðferð hjá ÍHÍ og aganefnd ámælisverða og algjörlega til skammar. Þetta eru tvö stóralvarleg mál í hreyfingunni,“ segir Bjarni Helgason, varaformaður íshokkínefndar hjá SR, og er ekki par sáttur við starfshætti Íshokkísambandsins. Þessi tvö mál tengjast annars vegar meintu kynþáttaníði í leik SR við SA á Akureyri og hins vegar meintri árás eftir þann leik. Leikmaður SA, sem sakaður var um kynþáttaníð, var dæmdur í eins leiks bann af sambandinu og sagði framkvæmdastjóri þess, Viðar Garðarsson, í Sportpakkanum í gær þar vera um að ræða orð gegn orði. Fjallað var um málið á Vísi á sunnudag. „Hann (leikmaður SR) er tæklaður í hausinn og liggur óvígur eftir. Liðsstjóri og leikmaður hjá okkur heyra leikmann hjá SA hafa niðrandi og rasísk ummæli um leikmanninn sem enda á orðunum svart fólk,“ segir Bjarni í samtali við íþróttadeild. „Við fáum engar upplýsingar (frá Íshokkísambandinu) um hvað hann á að hafa sagt en því er haldið fram að hann hafi sagt svona fólk, en ekki svart fólk. En í því samhengi sem um ræðir, þar sem er rætt um einstakling sem er hörunddökkur, og (í ljósi þess) að leikmaður SA hafi áður hlotið dóm fyrir rasísk ummæli, þá hlýtur maður að komast að þeirri niðurstöðu að ummælin hafi verið rasísk,“ segir Bjarni. Starfsfólk SR sé þó ekki að eltast við leikmanninn sjálfan heldur starfhætti Íshokkísambandsins í kringum málið og meðferð þess. „En við erum ekki að eltast við leikmanninn sjálfan sem hefur þessi ummæli heldur erum við að gagnrýna málsmeðferðina hjá ÍHÍ. Þessi leikmaður þarf að fá viðeigandi bann sem hæfir þeim orðum sem hann lét falla og að fá hjálp og fræðslu til að koma í veg fyrir að aðrir lendi í þessari reynslu,“ segir Bjarni. Dæmdir án raunverulegrar málsmeðferðar Eftir leikinn eiga leikmenn SR, sem urðu fyrir barðinu á meintu níði, að hafa ráðist að leikmanni SA. Þeir voru fyrir það báðir dæmdir í bann til áramóta. Fulltrúar SR höfðu hins vegar ekki hugmynd um að það mál, vegna þess atviks, væri til yfirhöfuð til meðferðar hjá aganefnd sambandsins fyrr en dómur féll. SR fékk því ekki að senda inn greinargerð til sambandsins, né fengu þeir sem dæmdir voru í bannið að segja sína hlið mála. Það þyki tvískinnungur að segja fyrra málið orð gegn orði og leyfa málsverjendum ekki að verjast saka í hinu síðara. „Þeir eru dæmdir og sakaðir um allskonar hluti sem þeir hafa aldrei fengið að svara fyrir. Þeir vita ekkert hvað þeir eru sakaðir um nákvæmlega. Það er bara það sem þeir lesa um í dómnum sem er birtur fyrirvaralaust,“ segir Bjarni. „Þeir fá ekki að segja sína hlið á málinu og SR er ekki einu sinni beðið um að leggja fram greinargerð um málið. Heldur eru þeir bara dæmdir í eitt lengsta bann sem heyrst hefur um í hreyfingunni fyrr og síðar.“ Sambandið hefur reglulega dæmt leikmenn í bann fyrir slagsmál eða ofbeldi gegn öðrum leikmönnum, innan eða utan vallar, undanfarin 20 ár. Ef rýnt er í lengd þeirra banna eru þau yfirleitt tveir til fjórir leikir. Bræðurnir í liði SR voru hins vegar dæmdir í bann til áramóta og lengd bannsins því fordæmalaus hjá ÍHÍ. „Það er í raun engin málsmeðferð yfirhöfuð,“ segir Bjarni. Framkvæmdastjórinn hafi borið á þá sakir í fjölmiðlum Bjarni er þá sérlega ósáttur við framkvæmdastjóra Íshokkísambandsins og hvernig hann málaði leikmenn SR upp í fjölmiðlum. „Framkvæmdastjóri ÍHÍ, í fjölmiðlum, ber á þá sakir sem þeir vita ekki að þeir séu sakaðir um. Hann talar um, í fréttum RÚV, að þeir hafi ráðist tveir gegn einum, hann talar um líkamsárás, hann talar um að hóta að stinga með hnífi og að drepa fólk. Hann segir að lögreglan hafi verið kölluð til og málar rosalega dökka mynd af þessu,“ „En þeir hafa ekkert fengið að tjá sig um málið eða segja sína hlið á málinu. Aldrei nokkurn tíma,“ segir Bjarni. Ekki hægt að áfrýja dómnum Samkvæmt lögum ÍHÍ er ekki hægt að áfrýja dómnum. Bjarni setur út á það í ljósi skorts á málsmeðferð. Þá fáist fá svör þegar beðið sé um rökstuðning fyrir banni leikmanna SR. „Þau litlu svör sem við fáum frá ÍHÍ þá er það þannig að það sé ekki hefð fyrir því að rökræða, rökstyðja eða birta gögn aganefndar. Þeir þurfa ekkert að rökstyðja eða sýna fram á að þetta hafi verið eðlileg niðurstaða,“ „Úrskurðir aganefndar eru endanlegir og óáfrýjanlegir. Það er í lögum ÍHÍ að það er ekki hægt að áfrýja úrskurðum aganefndar. Sem er mjög sérstakt í svona stórum dómum, að það skuli hvergi vera hægt að leita réttar síns ef þér finnst þú hafa fengið ómálefnalega málsmeðferð,“ segir Bjarni. ÍHÍ sé ekki treystandi fyrir málinu Bjarni er þá spurður um næstu skref SR fyrst ekki sé hægt að áfrýja dómunum. Hann segir ljóst frá þeirra hlið að ÍHÍ sé ekki treystandi fyrir málinu. „Það verður ekki ró í þessari hreyfingu fyrr en er búið er að útkljá þessi mál almennilega. Eina niðurstaðan í því er að þessir dómar verði afturkallaðir, að málin verði skoðuð frá grunni upp á nýtt. Almennilega, þar sem báðar hliðar málsins eru skoðaðar og kannaðar,“ „Það er ekki hægt að fá ÍHÍ í það. Það verður að fá dómstóla ÍSÍ eða aðra óháða aðila til þess að skoða þessi mál. Fyrr verður ekki friður í þessari hreyfingu,“ segir Bjarni. Klippa: Gagnrýnir sambandið harðlega: „Algjörlega til skammar“ Fréttina úr Sportpakka gærkvöldsins má sjá efst og viðtalið í heild hér neðst. Íshokkí Kynþáttafordómar ÍSÍ Mest lesið Fórnar bandarískum háskólapartýum til að ná á toppinn Golf Rory McIlroy: Hvað ætlið þið núna að tala um fyrir næsta Mastersmót? Golf „Aðeins léttari þegar það er saklaus sál heima sem þarf að sjá um“ Íslenski boltinn Lærðu að fagna eins og verðandi feður Íslenski boltinn Saklaus en missti af Ólympíuleikunum eftir mistök félagsins Fótbolti Dæmd í bann fyrir að klípa í klof Fótbolti KA búið að landa fyrirliða Lyngby Íslenski boltinn Sjáðu allar tilfinningarnar hjá Rory þegar hann vann Masters mótið Golf Versti sóknarleikur nýliða í meira en þrjá áratugi Íslenski boltinn Fyrsti nýi meðlimurinn í 25 ár Golf Fleiri fréttir „Stuðningsmenn Dallas vilja bara ekki fyrirgefa þetta“ Spilaði í sex sekúndur til að missa ekki úr leik Færeyjar fylgja Íslandi á sitt fyrsta HM Dani komin alla leið í úrslitaeinvígið um titilinn Aftur með þrennu á afmælisdeginum „Þetta var eitt af þessum stóru augnablikum sem ég mun aldrei gleyma“ Rory vill veita leikmönnum Man United innblástur „Þurfum að halda betur fókus þegar það hægist á leiknum“ KA búið að landa fyrirliða Lyngby Versti sóknarleikur nýliða í meira en þrjá áratugi Fórnar bandarískum háskólapartýum til að ná á toppinn Lærðu að fagna eins og verðandi feður Fyrsti nýi meðlimurinn í 25 ár Besta-spáin 2025: Áframhaldandi hamingja í Víkinni „Aðeins léttari þegar það er saklaus sál heima sem þarf að sjá um“ Besta-spáin 2025: Stórir draumar í Laugardalnum Eyþóra með gullna endurkomu: „Kennslustund í glæsileika“ Fékk síðasta bikarinn á ferlinum mörgum mánuðum eftir að hann hætti Rory McIlroy: Hvað ætlið þið núna að tala um fyrir næsta Mastersmót? Saklaus en missti af Ólympíuleikunum eftir mistök félagsins Mörkin úr Bestu: Fram afgreiddi meistara Blika á ellefu mínútna kafla Stjórinn fór á barinn með stuðningsmönnunum eftir leik Dæmd í bann fyrir að klípa í klof Sjáðu allar tilfinningarnar hjá Rory þegar hann vann Masters mótið Fótboltamaður lést eftir samstuð inn á vellinum Dagskráin í dag: Reykjavíkurslagur, úrslitarimma, uppgjörsþættir og Karólína Lea McIlroy vann Masters í bráðabana „Við erum að reyna að skapa vonir og trú á þetta verkefni“ Ancelotti: Mbappé er ekki ofbeldisfullur en þetta var augljóst rautt spjald „Getum klárlega farið alla leið ef við viljum það“ Sjá meira
„Við teljum málsmeðferð hjá ÍHÍ og aganefnd ámælisverða og algjörlega til skammar. Þetta eru tvö stóralvarleg mál í hreyfingunni,“ segir Bjarni Helgason, varaformaður íshokkínefndar hjá SR, og er ekki par sáttur við starfshætti Íshokkísambandsins. Þessi tvö mál tengjast annars vegar meintu kynþáttaníði í leik SR við SA á Akureyri og hins vegar meintri árás eftir þann leik. Leikmaður SA, sem sakaður var um kynþáttaníð, var dæmdur í eins leiks bann af sambandinu og sagði framkvæmdastjóri þess, Viðar Garðarsson, í Sportpakkanum í gær þar vera um að ræða orð gegn orði. Fjallað var um málið á Vísi á sunnudag. „Hann (leikmaður SR) er tæklaður í hausinn og liggur óvígur eftir. Liðsstjóri og leikmaður hjá okkur heyra leikmann hjá SA hafa niðrandi og rasísk ummæli um leikmanninn sem enda á orðunum svart fólk,“ segir Bjarni í samtali við íþróttadeild. „Við fáum engar upplýsingar (frá Íshokkísambandinu) um hvað hann á að hafa sagt en því er haldið fram að hann hafi sagt svona fólk, en ekki svart fólk. En í því samhengi sem um ræðir, þar sem er rætt um einstakling sem er hörunddökkur, og (í ljósi þess) að leikmaður SA hafi áður hlotið dóm fyrir rasísk ummæli, þá hlýtur maður að komast að þeirri niðurstöðu að ummælin hafi verið rasísk,“ segir Bjarni. Starfsfólk SR sé þó ekki að eltast við leikmanninn sjálfan heldur starfhætti Íshokkísambandsins í kringum málið og meðferð þess. „En við erum ekki að eltast við leikmanninn sjálfan sem hefur þessi ummæli heldur erum við að gagnrýna málsmeðferðina hjá ÍHÍ. Þessi leikmaður þarf að fá viðeigandi bann sem hæfir þeim orðum sem hann lét falla og að fá hjálp og fræðslu til að koma í veg fyrir að aðrir lendi í þessari reynslu,“ segir Bjarni. Dæmdir án raunverulegrar málsmeðferðar Eftir leikinn eiga leikmenn SR, sem urðu fyrir barðinu á meintu níði, að hafa ráðist að leikmanni SA. Þeir voru fyrir það báðir dæmdir í bann til áramóta. Fulltrúar SR höfðu hins vegar ekki hugmynd um að það mál, vegna þess atviks, væri til yfirhöfuð til meðferðar hjá aganefnd sambandsins fyrr en dómur féll. SR fékk því ekki að senda inn greinargerð til sambandsins, né fengu þeir sem dæmdir voru í bannið að segja sína hlið mála. Það þyki tvískinnungur að segja fyrra málið orð gegn orði og leyfa málsverjendum ekki að verjast saka í hinu síðara. „Þeir eru dæmdir og sakaðir um allskonar hluti sem þeir hafa aldrei fengið að svara fyrir. Þeir vita ekkert hvað þeir eru sakaðir um nákvæmlega. Það er bara það sem þeir lesa um í dómnum sem er birtur fyrirvaralaust,“ segir Bjarni. „Þeir fá ekki að segja sína hlið á málinu og SR er ekki einu sinni beðið um að leggja fram greinargerð um málið. Heldur eru þeir bara dæmdir í eitt lengsta bann sem heyrst hefur um í hreyfingunni fyrr og síðar.“ Sambandið hefur reglulega dæmt leikmenn í bann fyrir slagsmál eða ofbeldi gegn öðrum leikmönnum, innan eða utan vallar, undanfarin 20 ár. Ef rýnt er í lengd þeirra banna eru þau yfirleitt tveir til fjórir leikir. Bræðurnir í liði SR voru hins vegar dæmdir í bann til áramóta og lengd bannsins því fordæmalaus hjá ÍHÍ. „Það er í raun engin málsmeðferð yfirhöfuð,“ segir Bjarni. Framkvæmdastjórinn hafi borið á þá sakir í fjölmiðlum Bjarni er þá sérlega ósáttur við framkvæmdastjóra Íshokkísambandsins og hvernig hann málaði leikmenn SR upp í fjölmiðlum. „Framkvæmdastjóri ÍHÍ, í fjölmiðlum, ber á þá sakir sem þeir vita ekki að þeir séu sakaðir um. Hann talar um, í fréttum RÚV, að þeir hafi ráðist tveir gegn einum, hann talar um líkamsárás, hann talar um að hóta að stinga með hnífi og að drepa fólk. Hann segir að lögreglan hafi verið kölluð til og málar rosalega dökka mynd af þessu,“ „En þeir hafa ekkert fengið að tjá sig um málið eða segja sína hlið á málinu. Aldrei nokkurn tíma,“ segir Bjarni. Ekki hægt að áfrýja dómnum Samkvæmt lögum ÍHÍ er ekki hægt að áfrýja dómnum. Bjarni setur út á það í ljósi skorts á málsmeðferð. Þá fáist fá svör þegar beðið sé um rökstuðning fyrir banni leikmanna SR. „Þau litlu svör sem við fáum frá ÍHÍ þá er það þannig að það sé ekki hefð fyrir því að rökræða, rökstyðja eða birta gögn aganefndar. Þeir þurfa ekkert að rökstyðja eða sýna fram á að þetta hafi verið eðlileg niðurstaða,“ „Úrskurðir aganefndar eru endanlegir og óáfrýjanlegir. Það er í lögum ÍHÍ að það er ekki hægt að áfrýja úrskurðum aganefndar. Sem er mjög sérstakt í svona stórum dómum, að það skuli hvergi vera hægt að leita réttar síns ef þér finnst þú hafa fengið ómálefnalega málsmeðferð,“ segir Bjarni. ÍHÍ sé ekki treystandi fyrir málinu Bjarni er þá spurður um næstu skref SR fyrst ekki sé hægt að áfrýja dómunum. Hann segir ljóst frá þeirra hlið að ÍHÍ sé ekki treystandi fyrir málinu. „Það verður ekki ró í þessari hreyfingu fyrr en er búið er að útkljá þessi mál almennilega. Eina niðurstaðan í því er að þessir dómar verði afturkallaðir, að málin verði skoðuð frá grunni upp á nýtt. Almennilega, þar sem báðar hliðar málsins eru skoðaðar og kannaðar,“ „Það er ekki hægt að fá ÍHÍ í það. Það verður að fá dómstóla ÍSÍ eða aðra óháða aðila til þess að skoða þessi mál. Fyrr verður ekki friður í þessari hreyfingu,“ segir Bjarni. Klippa: Gagnrýnir sambandið harðlega: „Algjörlega til skammar“ Fréttina úr Sportpakka gærkvöldsins má sjá efst og viðtalið í heild hér neðst.
Íshokkí Kynþáttafordómar ÍSÍ Mest lesið Fórnar bandarískum háskólapartýum til að ná á toppinn Golf Rory McIlroy: Hvað ætlið þið núna að tala um fyrir næsta Mastersmót? Golf „Aðeins léttari þegar það er saklaus sál heima sem þarf að sjá um“ Íslenski boltinn Lærðu að fagna eins og verðandi feður Íslenski boltinn Saklaus en missti af Ólympíuleikunum eftir mistök félagsins Fótbolti Dæmd í bann fyrir að klípa í klof Fótbolti KA búið að landa fyrirliða Lyngby Íslenski boltinn Sjáðu allar tilfinningarnar hjá Rory þegar hann vann Masters mótið Golf Versti sóknarleikur nýliða í meira en þrjá áratugi Íslenski boltinn Fyrsti nýi meðlimurinn í 25 ár Golf Fleiri fréttir „Stuðningsmenn Dallas vilja bara ekki fyrirgefa þetta“ Spilaði í sex sekúndur til að missa ekki úr leik Færeyjar fylgja Íslandi á sitt fyrsta HM Dani komin alla leið í úrslitaeinvígið um titilinn Aftur með þrennu á afmælisdeginum „Þetta var eitt af þessum stóru augnablikum sem ég mun aldrei gleyma“ Rory vill veita leikmönnum Man United innblástur „Þurfum að halda betur fókus þegar það hægist á leiknum“ KA búið að landa fyrirliða Lyngby Versti sóknarleikur nýliða í meira en þrjá áratugi Fórnar bandarískum háskólapartýum til að ná á toppinn Lærðu að fagna eins og verðandi feður Fyrsti nýi meðlimurinn í 25 ár Besta-spáin 2025: Áframhaldandi hamingja í Víkinni „Aðeins léttari þegar það er saklaus sál heima sem þarf að sjá um“ Besta-spáin 2025: Stórir draumar í Laugardalnum Eyþóra með gullna endurkomu: „Kennslustund í glæsileika“ Fékk síðasta bikarinn á ferlinum mörgum mánuðum eftir að hann hætti Rory McIlroy: Hvað ætlið þið núna að tala um fyrir næsta Mastersmót? Saklaus en missti af Ólympíuleikunum eftir mistök félagsins Mörkin úr Bestu: Fram afgreiddi meistara Blika á ellefu mínútna kafla Stjórinn fór á barinn með stuðningsmönnunum eftir leik Dæmd í bann fyrir að klípa í klof Sjáðu allar tilfinningarnar hjá Rory þegar hann vann Masters mótið Fótboltamaður lést eftir samstuð inn á vellinum Dagskráin í dag: Reykjavíkurslagur, úrslitarimma, uppgjörsþættir og Karólína Lea McIlroy vann Masters í bráðabana „Við erum að reyna að skapa vonir og trú á þetta verkefni“ Ancelotti: Mbappé er ekki ofbeldisfullur en þetta var augljóst rautt spjald „Getum klárlega farið alla leið ef við viljum það“ Sjá meira