Fótbolti

Mikael Egill byrjaði þegar Róm­verjar komu til baka

Runólfur Trausti Þórhallsson skrifar
Mikael Egill í leik dagsins.
Mikael Egill í leik dagsins. Luciano Rossi/Getty Images

Mikael Egill Ellertsson var í byrjunarliði Venezia sem komst yfir í Róm en mátti á endanum þola 2-1 tap í Serie A, ítölsku efstu deild karla í knattspyrnu. Þá halda nýliðar Como áfram að sækja sigra.

Mikael Egill byrjaði á miðri miðju gestanna sem komust yfir undir blálok fyrri hálfleiks. Bryan Cristante jafnaði metin fyrir Rómverja þegar stundarfjórðungur lifði leiks og skömmu síðar var Mikael Egill tekinn af velli.

Niccolo Pisilli tryggði Rómverjum svo stigin þrjú með sigurmarki leiksins á 83. mínútu. Venezia er því áfram með aðeins fjögur stig í 18. sæti þegar liðið hefur leikið sex leiki. Roma er í 9. sæti með níu stig.

Lærisveinar Cesc Fabregas í Como unnu 3-2 sigur á Hellas Verona og hafa þar með unnið tvo leiki í röð. Patrick Crutone skoraði tvö og Andrea Belotti eitt. Þá vann Lazio 3-2 útisigur á toppliði Torino.

Fótbolti Ítalski boltinn

Mest lesið


Fleiri fréttir

Sjá meira


×

Mest lesið