Demókratinn Adams var kosinn borgarstjóri New York fyrir þremur árum og hét því meðal annars að taka á glæpum í stórborginni. Hann og starfsmenn framboðs hans hafa hins vegar sætt lögreglurannsókn, þar sem meðal annars var til skoðunar hvort framboðið hefði tekið við ólöglegum framlögum frá stjórnvöldum í Tyrklandi.
Adams mun vera fyrsti sitjandi borgarstjórinn í sögu New York borgar sem sætir alríkisákærum.
The indictment of NYC Mayor Eric Adams comes after a monthslong federal investigation into campaign fundraising violations and foreign influence. We don't know what charges he's facing at this time. pic.twitter.com/BQs7PwEYoL
— Kaitlan Collins (@kaitlancollins) September 26, 2024
Gert er ráð fyrir því að yfirvöld uppljóstri í dag fyrir hvað Adams er ákærður og í framhaldinu verði honum gert að mæta fyrir dómara.
Adams gaf út yfirlýsingu í gær þar sem hann sagðist saklaus. Hann hefði alltaf vitað að hann yrði skotmark ef hann stæði fastur á sínu fyrir íbúa New York. Sagðist hann myndu grípa til varna gegn ásökununum.
Umrædd rannsókn og aðrar sem hafa staðið yfir á samstarfsmönnum Adams hafa valdið borgarstjóranum miklum vandræðum en hann undirbýr nú að sækjast eftir endurkjöri. Áköll eftir því að hann segi af sér hafa orðið háværari á síðustu vikum.
Þinkonan Alexandria Ocasio-Cortez er meðal þeirra sem hefur sagt ómögulegt fyrir Adams að halda áfram úr því sem komið er.
