Glöð og stolt en mætir ekki á Ballon d'Or: „Hélt að þetta væri eitthvað grín fyrst“ Sindri Sverrisson skrifar 6. september 2024 08:00 Glódís Perla Viggósdóttir leiddi Ísland áfram inn á Evrópumótið í Sviss sem fram fer næsta sumar, en Ísland vann frækna sigra gegn Þýskalandi og Austurríki á þessu ári. Getty/Hulda Margrét Glódís Perla Viggósdóttir þakkar liðsfélögum sínum í íslenska landsliðinu og Bayern München, eftir þann gríðarlega heiður að hafa verið tilnefnd fyrst Íslendinga til Gullboltans, eða Ballon d'Or. Hún verður önnum kafin með landsliðinu þegar þetta virtasta hóf fótboltans fer fram. „Ég bara sá þetta á netinu eins og allir aðrir. Þetta var ekkert sem ég vissi af fyrir fram,“ sagði Glódís brosandi um fréttirnar af því að hún hefði verið valin ein af þrjátíu bestu knattspyrnukonum heims. „Þetta var bara gaman. Kærastinn minn sýndi mér þetta og ég hélt að þetta væri eitthvað grín fyrst. Ég var ekki alveg að tengja við að þessar tilnefningar væru núna. Svo sá ég á Instagram að þetta væri í alvöru. Ótrúlega gaman, stolt og mikill heiður. Ég vissi líka ekki að það hefði enginn Íslendingur verið tilnefndur áður þannig að það er ótrúlega gaman að geta verið góður fulltrúi íslenskrar knattspyrnu úti í heimi,“ sagði Glódís en viðtal við hana má sjá í spilaranum hér að neðan. Glódís hefur átt stórkostlegt ár með bæði Bayern München og íslenska landsliðinu, og er fyrirliði beggja liða. Hún varð þýskur meistari og átti stóran þátt í að koma Íslandi beint á EM, meðal annars með frábærum sigri gegn stórveldi Þýskalands. Lærði mikið af því að verða fyrirliði Bayern Glódís er önnur af aðeins tveimur miðvörðum sem tilnefndar eru til Gullboltans og því mögulega besti miðvörður heims í dag. View this post on Instagram A post shared by Ballon d’Or (@ballondorofficial) „Ég held að það sé ekki mitt að ákveða hvort að þetta sé verðskuldað eða ekki. Ég er auðvitað að spila í tveimur frábærum liðum, sem að bæði hafa verið að ná góðum árangri. Ég er ótrúlega þakklát fyrir liðsfélaga mína og umhverfið sem ég er í, því það er umhverfi þar sem ég get bætt mig og haldið áfram að verða betri leikmaður. Auðvitað er gaman að sjá að fólk kann að meta mína vinnu og hvernig ég er sem leikmaður, og ótrúlega gaman að vera tilnefnd til svona stórra verðlauna Ég lærði ótrúlega mikið af því að vera gerð að fyrirliða hjá Bayern, tók á mig extra mikla ábyrgð og þurfti að stíga upp, og gera betur fyrir liðið. Auðvitað fylgdu því áskoranir líka, sem var ekki alltaf auðvelt. En það er kannski það helsta sem breyttist á þessu ári. Að sama skapi áttum við frábært ár með landsliðinu líka, tryggðum okkur beint inn á EM, og það er geggjaður árangur. Hugarfarið í því liði er einstakt og ótrúlega gaman að vera partur af því. Eins að vinna deildina með Bayern ósigraðar. Þetta var því ótrúlega gott ár en samt sem áður eru alltaf erfiðleikar inni á milli og maður lærir mest af því. Það er gaman að geta slúttað þessu ári með svona viðurkenningu,“ segir Glódís en þó að Bayern hafi orðið þýskur meistari þá ætlaði liðið sér lengra í Meistaradeild Evrópu og þá var tapið í bikarúrslitaleik gegn Wolfsburg sárt. Glódís Perla með verðlaunaskjöldinn sem Þýskalandsmeistari með Bayern, þar sem hún er fyrirliði.Getty/Christian Kaspar-Bartke „Maður nær ekki alltaf öllum markmiðum sínum og við fórum í gegnum erfitt tímabil með Bayern um jólin, en náðum að snúa því við og komum sterkari út úr því. Það var ákveðinn lærdómur í því líka fyrir mig persónulega. Þetta var ótrúlega lærdómsríkt ár sem endaði líka ótrúlega vel,“ segir Glódís sem hugsaði sér ekki til hreyfings í sumar og ætlar sér enn stærri hluti með Bayern: „Ég er ótrúlega ánægð þar sem ég er, við erum með skemmtilegt lið og í því ferli að búa til eitthvað nýtt og spennandi hjá Bayern, þá sigurhefð sem að karlaliðið er með. Það er ótrúlega gaman að vera stór partur af því og ég einbeiti mér bara að því,“ segir Glódís. Þakklát fyrir ótrúlega margar kveðjur Fjölmargir hafa óskað Glódísi til hamingju með tilnefninguna til Gullboltans sem verður afhentur í París 28. október. Hún segir þó ljóst að hún verði ekki viðstödd en Ísland leikur tvo vináttulandsleiki í Bandaríkjunum 25. og 27. október. „Það hefur ótrúlega margt fólk haft samband og óskað mér til hamingju með þetta, sem er ótrúlega gaman. Ég er þakklát fyrir allar kveðjurnar og að vita af því að svona margir séu ánægðir með þetta. Það sem skiptir mig mestu máli er að fólkið sem stendur næst mér og þekkir mig persónulega viti hvað ég er að gera, og finnist það mikils virði. Bæði liðin mín eiga stóran þátt í þessu.“ „Veit ekki einu sinni hvort mér er boðið“ „Ég veit ekki einu sinni hvort mér er boðið [á hófið]. Ég veit ekkert hvernig þetta virkar. En ég verð í Bandaríkjunum með landsliðinu þannig að það verður ekki vandamál,“ segir Glódís en gagnrýnt hefur verið að hóf á borð við Gullboltann fari fram á tíma sem henti fótboltakörlum mun betur en fótboltakonum: „Það er ekki tekið mikið tillit til þess. Það væri mögulega hægt að setja þetta á annan tíma til að sem flestir kæmust, og ég vona að þeir hugsi til þess á næstu árum. Ég er 99% viss um að annað hvort Aitana Bonmati eða Caroline Graham Hansen vinni. Ég vona að Hansen vinni en báðar eru frábærar og eiga skilið að vinna,“ segir Glódís. Landslið kvenna í fótbolta Þýski boltinn Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport „Hún reif í mig og hraunaði yfir mig, á Marilegan hátt“ Sport Víkingar spila á Íslandi í dagsbirtu Fótbolti Aðeins einn löglegur dúkur svo Valur og FH byrja saman í Krikanum Handbolti Óttast um öryggi fjölskyldunnar og neyðist til að flytja Sport Alexander-Arnold reynir að kaupa Nantes Enski boltinn Fleiri fréttir Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Sjá meira
„Ég bara sá þetta á netinu eins og allir aðrir. Þetta var ekkert sem ég vissi af fyrir fram,“ sagði Glódís brosandi um fréttirnar af því að hún hefði verið valin ein af þrjátíu bestu knattspyrnukonum heims. „Þetta var bara gaman. Kærastinn minn sýndi mér þetta og ég hélt að þetta væri eitthvað grín fyrst. Ég var ekki alveg að tengja við að þessar tilnefningar væru núna. Svo sá ég á Instagram að þetta væri í alvöru. Ótrúlega gaman, stolt og mikill heiður. Ég vissi líka ekki að það hefði enginn Íslendingur verið tilnefndur áður þannig að það er ótrúlega gaman að geta verið góður fulltrúi íslenskrar knattspyrnu úti í heimi,“ sagði Glódís en viðtal við hana má sjá í spilaranum hér að neðan. Glódís hefur átt stórkostlegt ár með bæði Bayern München og íslenska landsliðinu, og er fyrirliði beggja liða. Hún varð þýskur meistari og átti stóran þátt í að koma Íslandi beint á EM, meðal annars með frábærum sigri gegn stórveldi Þýskalands. Lærði mikið af því að verða fyrirliði Bayern Glódís er önnur af aðeins tveimur miðvörðum sem tilnefndar eru til Gullboltans og því mögulega besti miðvörður heims í dag. View this post on Instagram A post shared by Ballon d’Or (@ballondorofficial) „Ég held að það sé ekki mitt að ákveða hvort að þetta sé verðskuldað eða ekki. Ég er auðvitað að spila í tveimur frábærum liðum, sem að bæði hafa verið að ná góðum árangri. Ég er ótrúlega þakklát fyrir liðsfélaga mína og umhverfið sem ég er í, því það er umhverfi þar sem ég get bætt mig og haldið áfram að verða betri leikmaður. Auðvitað er gaman að sjá að fólk kann að meta mína vinnu og hvernig ég er sem leikmaður, og ótrúlega gaman að vera tilnefnd til svona stórra verðlauna Ég lærði ótrúlega mikið af því að vera gerð að fyrirliða hjá Bayern, tók á mig extra mikla ábyrgð og þurfti að stíga upp, og gera betur fyrir liðið. Auðvitað fylgdu því áskoranir líka, sem var ekki alltaf auðvelt. En það er kannski það helsta sem breyttist á þessu ári. Að sama skapi áttum við frábært ár með landsliðinu líka, tryggðum okkur beint inn á EM, og það er geggjaður árangur. Hugarfarið í því liði er einstakt og ótrúlega gaman að vera partur af því. Eins að vinna deildina með Bayern ósigraðar. Þetta var því ótrúlega gott ár en samt sem áður eru alltaf erfiðleikar inni á milli og maður lærir mest af því. Það er gaman að geta slúttað þessu ári með svona viðurkenningu,“ segir Glódís en þó að Bayern hafi orðið þýskur meistari þá ætlaði liðið sér lengra í Meistaradeild Evrópu og þá var tapið í bikarúrslitaleik gegn Wolfsburg sárt. Glódís Perla með verðlaunaskjöldinn sem Þýskalandsmeistari með Bayern, þar sem hún er fyrirliði.Getty/Christian Kaspar-Bartke „Maður nær ekki alltaf öllum markmiðum sínum og við fórum í gegnum erfitt tímabil með Bayern um jólin, en náðum að snúa því við og komum sterkari út úr því. Það var ákveðinn lærdómur í því líka fyrir mig persónulega. Þetta var ótrúlega lærdómsríkt ár sem endaði líka ótrúlega vel,“ segir Glódís sem hugsaði sér ekki til hreyfings í sumar og ætlar sér enn stærri hluti með Bayern: „Ég er ótrúlega ánægð þar sem ég er, við erum með skemmtilegt lið og í því ferli að búa til eitthvað nýtt og spennandi hjá Bayern, þá sigurhefð sem að karlaliðið er með. Það er ótrúlega gaman að vera stór partur af því og ég einbeiti mér bara að því,“ segir Glódís. Þakklát fyrir ótrúlega margar kveðjur Fjölmargir hafa óskað Glódísi til hamingju með tilnefninguna til Gullboltans sem verður afhentur í París 28. október. Hún segir þó ljóst að hún verði ekki viðstödd en Ísland leikur tvo vináttulandsleiki í Bandaríkjunum 25. og 27. október. „Það hefur ótrúlega margt fólk haft samband og óskað mér til hamingju með þetta, sem er ótrúlega gaman. Ég er þakklát fyrir allar kveðjurnar og að vita af því að svona margir séu ánægðir með þetta. Það sem skiptir mig mestu máli er að fólkið sem stendur næst mér og þekkir mig persónulega viti hvað ég er að gera, og finnist það mikils virði. Bæði liðin mín eiga stóran þátt í þessu.“ „Veit ekki einu sinni hvort mér er boðið“ „Ég veit ekki einu sinni hvort mér er boðið [á hófið]. Ég veit ekkert hvernig þetta virkar. En ég verð í Bandaríkjunum með landsliðinu þannig að það verður ekki vandamál,“ segir Glódís en gagnrýnt hefur verið að hóf á borð við Gullboltann fari fram á tíma sem henti fótboltakörlum mun betur en fótboltakonum: „Það er ekki tekið mikið tillit til þess. Það væri mögulega hægt að setja þetta á annan tíma til að sem flestir kæmust, og ég vona að þeir hugsi til þess á næstu árum. Ég er 99% viss um að annað hvort Aitana Bonmati eða Caroline Graham Hansen vinni. Ég vona að Hansen vinni en báðar eru frábærar og eiga skilið að vinna,“ segir Glódís.
Landslið kvenna í fótbolta Þýski boltinn Mest lesið Guðmundur miður sín eftir stórtap: „Eitt það versta sem ég hef upplifað lengi“ Handbolti Ósætti við úrelta löggjöf: „Sennilega eina þjóðin eftir í heiminum“ Sport „Vil miklu frekar eiga feril í MMA heldur en að vinna skrifstofustarf“ Sport Tyson segist ekki berjast vegna peninganna Sport Tekur með sér lifrarpylsu, grjónagraut og sviðasultu í bakgarðshlaupið Sport „Hún reif í mig og hraunaði yfir mig, á Marilegan hátt“ Sport Víkingar spila á Íslandi í dagsbirtu Fótbolti Aðeins einn löglegur dúkur svo Valur og FH byrja saman í Krikanum Handbolti Óttast um öryggi fjölskyldunnar og neyðist til að flytja Sport Alexander-Arnold reynir að kaupa Nantes Enski boltinn Fleiri fréttir Segir Arsenal sífellt betra en vill engar ásakanir um sálfræðistríð Alexander-Arnold reynir að kaupa Nantes Segir að Saliba og Gabriel séu besta miðvarðapar í Evrópu Víkingar spila á Íslandi í dagsbirtu Viðurkennir að hafa sleppt því að spjalda Messi til að fá treyjuna hans Sjáðu ótrúlega vörslu Raya og öll mörkin úr Meistaradeildinni Segir Leipzig hinn fullkomna áfangastað fyrir unga og efnilega leikmenn Seinna spjaldið var ekki viljandi: „Er bara pirraður og missi hausinn“ „Ein besta markvarsla sem ég hef séð“ Atlético lagði sprækt lið Leipzig Rautt spjald snemma leiks dýrt spaug fyrir Börsunga Raya hetjan er Skytturnar lögðu rútunni í Bergamo Benfica og Leverkusen byrja á sterkum útisigrum Uppgjörið: Afturelding - Fjölnir 3-1 | Brenndu víti en tóku tveggja marka forystu Úlfur Ágúst orðaður við Messi og félaga á Miami Sparkað eftir tapið rosalega gegn Bayern Trompaðist eftir misheppnaða hælsendingu í dauðafæri: „Nei! Nei! Nei!“ Húbba Búbba kippt af dagskrá: „Það eina sem ég spila í Víkinni er fótbolti“ Með tvær ferðatöskur af fíkniefnum Haaland neitaði að gefa Acerbi treyjuna sína eftir að hann hafði ítrekað togað í hana Næstu mótherjar Íslands mun ofar á heimslista Fannst stemningin á Etihad steindauð Eftirsjá Gary Martin: „Mín skoðun, fólk mun ekki vera sammála henni“ Hafi snúist hugur og vilji nú fara til Liverpool Utan vallar: Total-fótboltamaðurinn sem rétti Blikakúrsinn Sjáðu öll mörkin og ævintýralegt klúður Gazzaniga Segir að hann myndi kýla netníðingana í nefið ef þeir stæðu fyrir framan hann „Ég á Íslandi líf mitt að þakka“ Arteta með vondar fréttir af meiðslum Ødegaards Stúkan: „Sama hvað hann gerir ekki gefa honum gult spjald“ Sjá meira