Pósturinn dreifir á­fengi

Þetta kemur fram í tilkynningu frá Póstinum.

„Veruleikinn er sá að sem stendur er hægt að kaupa áfengi á netinu. Þetta helst í hendur við breytta kauphegðun sem kallar á víðtækari þjónustu af hálfu Póstsins en áður. Við leggjum áherslu á að viðkvæmar vörur séu fluttar með rekjanlegum hætti og berist réttum kaupanda,“ segir Sigríður Heiðar, forstöðumaður söludeildar hjá Póstinum í tilkynningunni.

Þar kemur fram að þegar dreifa á viðkvæmum varningi á borð við lyf og áfengi þurfi að ganga úr skugga um að viðtakandi hafi sannarlega aldur eða heimild til að taka á móti sendingunni. Það sé gert með rafrænni auðkenningu við afhendingu.

Smáríkið er netvöruverslun sem hefur verið starfrækt í hálft ár og nýtt sér þjónustu Póstsins frá því í vor til að koma vörunni til skila.