Segir Marr hafa stöðvað endur­komu The Smit­hs

Heimsathygli vakti í vikunni þegar tilkynnt var um að breska popphljómsveitin Oasis ætlaði að koma aftur saman og halda röð tónleika þrátt fyrir vel þekkta samskiptaörðugleika bræðranna Liams og Noels Gallagher.

Nú hefur Morrisey upplýst að honum hafi borist ábatasamt tilboð um að The Smiths kæmi aftur saman og færi í tónleikaferðalag um heiminn á næsta ári frá bandaríska afþreyingarfyrirtækinu AEG Entertainment Group. Sjálfur hafi hann þekkst boðið en Marr hafi hins vegar ekki svarað.

Marr og Morrisey voru aðalsprauturnar í The Smiths og höfðu gríðarleg áhrif á breska rokktónlist og langt út fyrir landsteinana á níunda áratug síðustu aldar. Upp úr samstarfi þeirra slitaði vegna ágreinings þeirra tveggja árið 1987. Marr taldi Morrisey of einstrengingslegan en Morrisey gramdist að Marr spilaði með fleiri hljómsveitum, að sögn breska ríkisútvarpsins BBC.

Til þess að bæta gráu ofan á svart hafa tónlistarmennirnir tveir gerólíkar skoðanir á stjórnmálum. Morrisey hefur í seinni tíð verið hneigst að fjarhægriskoðunum. Eftir að fréttirnar af endurkomu Oasis bárust birti Marr mynd af Nigel Farage, leiðtoga breska íhaldsflokksins Reform UK, þegar hann var spurður á samfélagsmiðli hvort að The Smiths gætu einnig snúið aftur. Virtist hann þar spirrða sinn gamla félaga saman við Farage sem er einna þekktastur fyrir baráttu sína gegn útgöngu Bretlands úr Evrópusambandinu.

Hinir tveir hljómsveitarmeðlimirnir: Mike Joyce og Andy Rourke, sem lést árið 2022, stefndu þeim Morrisey og Marr vegna höfundarréttargreiðslna á sínum tíma. Rourke gerði sátt utan dómstóla en Joyce vann sitt mál.