Sport

„Get ekki lýst því hversu hrædd ég var“

Ingvi Þór Sæmundsson skrifar
Imane Khelif (til vinstri) var einn umtalaðasti íþróttamaður ÓIympíuleikanna í París.
Imane Khelif (til vinstri) var einn umtalaðasti íþróttamaður ÓIympíuleikanna í París. getty/Billel Bensalem

Alsírska hnefaleikakonan Imane Khelif segist ekki geta lýst því hversu hrædd hún var þegar umræðan um hana komst í hámæli á Ólympíuleikunum í París.

Khelif varð Ólympíumeistari í 66 kg flokki fyrir viku. Mikil umræða skapaðist um þátttöku hennar en sem kunnugt er var henni meinað að taka þátt á heimsmeistaramótinu í fyrra þar sem hún stóðst ekki kynjapróf Alþjóðahnefaleikasambandsins (IBA) sem skipuleggur HM. IBA kemur hins vegar ekkert lengur að hnefaleikakeppninni á Ólympíuleikunum og þar mátti Khelif keppa.

Margir heimsþekktir einstaklingar tjáðu sig um Khelif og þátttöku hennar í kvennaflokki. Meðal þeirra voru J.K. Rowling og Elon Musk. Khelif hefur höfðað mál gegn þeim báðum sem og öðrum vegna hatursorðræðu og netníðs.

Khelif hefur nú tjáð sig um hvernig henni leið meðan stormurinn vegna þátttöku hennar á Ólympíuleikunum stóð yfir.

„Strax eftir fyrsta sigurinn minn á Ólympíuleikunum spruttu upp mikil læti, meðal annars frá stjórnmálamönnum, íþróttafólki og jafnvel listamönnum og ofurstjörnum,“ sagði Khelif.

„Elon Tusk, Donald Trump, þetta hafði áhrif á mig ef ég á að vera hreinskilin. Þetta tók mikið á mig og særði mig. Ég get ekki lýst því hversu hrædd ég var. Ég var smeyk en guði sé lof komst ég í gegnum þetta, þökk sé sálfræðingunum sem aðstoðuðu mig á þessum tíma. Hvað get ég sagt um þennan tíma? Hann var mjög erfiður. Ég gat ekki beðið eftir því að þessu linnti. Staðan var mjög ógnvekjandi.“

Khelif kvaðst þakklát fyrir stuðninginn heiman frá á meðan á öllum látunum stóð.

„Þökk sé guði, þekktu allir í Alsír og Arabaheiminum hina sönnu Imane Khelif, með kvenleika, hugrekki og staðfestu hennar,“ sagði boxarinn.

Box Ólympíuleikar 2024 í París

Tengdar fréttir

Hótuðu sjónvarpskonu og ófæddu barni hennar

Sjónvarpskonan Laura Woods segist hafa fengið morðhótanir frá nettröllum eftir að hafa skrifað athugasemd undir grein um hnefaleikakonurnar umdeildu á Ólympíuleikunum í París.

„Veit ekki af hverju IBA hatar mig“

Imane Khelif var í skýjunum eftir að hafa unnið til gullverðlauna í 66 kg flokki í hnefaleikakeppni kvenna á Ólympíuleikunum í París. Hún segir að allar árásirnar sem hún hefur orðið fyrir geri sigurinn sætari.

Imane Khelif landaði gullinu örugglega

Alsírska hnefaleikakonan Imane Khelif tryggði sér í kvöld gullverðlaun í 66 kg flokki á Ólympíuleikunum í París en hún lagði hina kínversku Yang Liu á stigum í úrslitaviðureigninni.

Mótmælti þátttöku Lin Yu-Ting með handabendingum

Lin Yu-Ting, hnefaleikakona sem hefur verið mikið til umræðu ásamt Imane Khelif, sigraði Yildiz Kahreman í undanúrslitum fjaðurvigtarflokksins. Yildiz mótmælti þátttöku hennar eftir keppni með handabendingum.

Khelif komin í úrslit

Alsírska hnefaleikakonan Imane Khelif er komin í úrslit í 66 kg flokki á Ólympíuleikunum í París.

Furðulegur fundur haldinn um mál hnefaleikakvennanna

Alþjóðahnefaleikasambandið hélt fund í gær til að marka afstöðu sína í kynjamáli kvennanna tveggja sem hafa verið til umræðu undanfarna daga. Miklum tíma var reyndar eytt í allt önnur mál sem forsetinn ákvað sjálfur að taka fyrir og fundinum er lýst sem þeim allra furðulegasta.

Carini vill biðja Khelif afsökunar

Ítalska hnefaleikakonan Angela Carini, sem bað um að bardagi sinn á Ólympíuleikunum gegn hinni alsírsku Imane Khelif yrði stöðvaður eftir aðeins 46 sekúndur, vill nú biðja hana afsökunar á framferði sínu.

Hin sem féll á kynjaprófinu á HM vann einnig

Hin taívanska Lin Yu-ting, sem var vísað úr keppni á HM í hnefaleikum í fyrra þar sem hún stóðst ekki kynjapróf, vann fyrsta bardaga sinn á Ólympíuleikunum í París.

Utan vallar: Þegar mektarfólk lætur sig kvennaíþróttir varða

Stórfurðulegt mál frá Ólympíuleikunum í París er skyndilega eitt það umtalaðasta er varðar íþróttir kvenna í áraraðir. Sjaldan hafa samfélagsmiðlar blásið eins mikið upp í kringum einvígi á íþróttavelli sem stóð í 46 sekúndur. Og umræðan að stóru leyti byggð á ranghugmyndum og ósannindum.

Ólympíunefndin skýtur föstum skotum á hnefaleikasambandið

Al­þjóðaólympíu­nefndin (IOC) hefur sent frá sér yfirlýsingu þar sem nefndir harmar þá umræðu og svívirðingar sem hafa flogið eftir að hin alsírska Ima­ne Khelif vann einvígi í hnefaleikum á Ólympíuleikum í dag. 

Mest lesið


Fleiri fréttir

Sjá meira


×

Mest lesið