Allt er þegar þrennt er hjá Kol­beini og Mika

Þetta er í þriðja sinn sem bardagi Kolbeins og Mika er settur á dagskrá. Þeir áttu upphaflega að mætast 1. júní en á síðustu stundu þurfti Mika að hætta við vegna veikinda.

Síðan var samið um að þeir ættu að mætast 27. júlí en viku fyrir bardagann þar hann færður fram í september, án fullnægjandi skýringa að því er fram kemur í fréttatilkynningu frá Kolbeini.

Nú er ljóst að bardagi þeirra Kolbeins og Mika verður á Töölö-leikvanginum í Helsinki þann 3. september næstkomandi.

Kolbeinn er í 127. sæti heimslistans í þungavigt en sigur á Mika gæti fleytt honum upp um ansi mörg sæti á listanum.