Full­kominn for­réttur sem þið verðið að prófa

Berglind deildi uppskriftinni á vefsíðu sinni þar sem hún skrifaði meðal annars:

„Í fyrrasumar í skemmtiferð okkar vinahópsins grillaði Sandra vinkona þennan grillost með pestó við góðar undirtektir hjá öllum í hópnum. Ég ákvað því að slá til og prófa þetta loksins sjálf, það er búið að taka mig tæpt ár að prófa sem er auðvitað alveg galið miðað við hversu einfaldur þessi réttur er. Þetta er fullkominn forréttur, snarlréttur eða sem meðlæti með öðrum mat svo nú verðið þið að prófa.“

Grillostur með pestói og klettasalati

Hráefni

2 x grillostur 

Einn poki af klettasalati

Grænt ferskt pestó

Ein lúka furuhnetur 

Salt og pipar eftir smekk

Aðferð

Skerið ostinn niður í lengjur og grillið við háan hita í nokkrar mínútur.

Snúið ostinum reglulega á grillinu þar til grillrákir byrja að myndast og osturinn linast upp.

Setjið síðan vel af pestó yfir ostinn ásamt furuhnetum og saltið og piprið eftir smekk.

Njótið á meðan osturinn er heitur.