Fótbolti

Freyr stýrði Kortrijk til sigurs á úti­velli en mark dæmt af Orra

Óskar Ófeigur Jónsson skrifar
Stuðningsmenn KV Kortrijk voru örugglega ánægðir með Frey Alexandersson í dag.
Stuðningsmenn KV Kortrijk voru örugglega ánægðir með Frey Alexandersson í dag. @kv_kortrijk

Kortrijk vann í dag frábæran útisigur í belgísku úrvalsdeildinni í fótbolta og þar með sinn fyrsta sigur á nýrri leiktíð. Það gekk ekki eins vel hjá Íslendingaliði FC Kaupmannahöfn í dönsku úrvalsdeildinni

Kortrijk heimsótti Cercle Brugge í dag og fagnaði 2-1 sigri. Lærisveinar Freys Alexanderssonar töpuðu leik sinum í fyrstu umferðinni en sóttu nú sín fyrstu stig.

Patrik Sigurður Gunnarsson stóð í marki Kortrijk, varði fimm skot í leiknum og átti mjög góðan leik.

Nacho Ferri kom Kortrijk í 1-0 á 14. mínútu en Thibo Somers jafnaði fyrir á 44. mínútu. Sigurmarkið skoraði Mark Mampassi á 68. mínútu.

Mark dæmt af Orra

FC Kaupmannahöfn var manni fleiri frá 27. mínútu en tókst ekki að nýta sér það í 1-1 jafntefli á heimavelli á móti Randers.

Orri Steinn Óskarsson kom boltanum í markið í dag en Varsjáin dæmdi markið af vegna rangstöðu.

Rangstöðumark Orra kom á 16. mínútu eða sex mínútum eftir að Frederik Lauenborg kom Randers í 1-0.

Mohamed Elyounoussi jafnaði metin fyrir FCK á 64. mínútu en þeir náðu ekki að skora sigurmarkið þrátt að reyna 31 skot í leiknum.

Orri Steinn átti þrjú af þessum skotum. Rúnar Alex Rúnarsson sat allan tímann á varamannabekknum.

Belgíski boltinn Danski boltinn

Mest lesið


Fleiri fréttir

Sjá meira


×

Mest lesið