Höfðu hendur í hári fjárkúgara Michael Schumacher

Það lítið um upplýsingar um líðan og heilsu Michael Schumacher síðan hann slasaðist illa í skíðabrekku í Ölpunum.

Mikil eftirspurn er aftur á móti eftir upplýsingum um hvernig lífið gengur fyrir sig hjá fjölskyldunni en Michael Schumacher hefur ekki sést opinberlega síðan.

Lögreglan handtók tvo fjárkúgara sem voru að reyna að kúga fjölskylduna um milljónir evra. Ekki er vitað hvort þeir hafi ætlað að leka einhverju út um ástand Schumacher eða hvað þeir vildu fá pening fyrir.

Bild segir frá þessu máli og ræðir við talsmann saksóknara.

„Við erum að rannsaka fjákúgunarmál tengt frægum einstaklingi og höfum gefið út handtökuskipun vegna þess. Við getum ekki gefið upp frekari upplýsingar um máli á þessum viðkvæma tíma í rannsókninni,“ sagði Wolf-Tilman Baumert, talsmaður saksóknara.

Schumacher fjölskyldan hefur þurft að takast við fjárkúgun áður.

Árið 2016 sendi maður fjárkúgunarbréf til Corinna Schumacher, eiginkonu Michaels, þar sem hann sóttist eftir níu hundruð þúsund evrum. Hann hótaði börnum þeirra.

„Ef við fáum ekki peninginn fyrir 31. mars þá munum við drepa börnin þín á einhvern hátt. Í formúlu 4 verða nú oft slys,“ stóð meðal annars í bréfinu en sonur Schumacher var þá farinn að keppa í formúlu 4.

Michael Schumacher setti met með því að vinna sjö heimsmeistaratitla í formúlu 1 en síðan þá hefur Lewis Hamilton jafnað það met. Hamilton hefur nú unnið fleiri keppnir eða 103 á móti 91.