Mynda­veisla: Enn eitt vel heppnað Street­ball mót X977

Það var liðið BBB sem sigraði eftir harða keppni og hlaut í verðlaun 70.000 kr. í beinhörðum peningum og bikar. Fasteignafélagið lenti í öðru sæti og hlaut í verðlaun 30.000 kr. Last Samurai endaði í þriðja sæti en efstu þrjú liðin fengu auk þess veglegar gjafir frá styrktaraðilum.

Veðrið lék við leikmenn og áhorfendur. „Veðrið var allavega til fyrirmyndar þriðja árið í röð, enda pantað snemma í ár,“ sagði Tommi Steindórs, annar umsjónarmanna mótsins.

„Það er gaman að sjá Streetball mótið vaxa jafnt og þétt ár frá ári og við höfum fulla trú á að það verði fastur liður hér á Klamratúni um ókomin ár,“ bætir Sigurður Orri við, sem sá um skipulag mótsins með Tomma.

Það er X977 og KKÍ sem halda mótið í samstarfi við Subway, Útilíf og Egils Orku.

Hér má sjá myndir frá mótinu.