McIlroy tekur sér í frí frá golfi eftir „erfiðasta daginn“ á ferlinum

Hinn 35 ára gamli McIlroy var með tveggja högga forskot undir lok mótsins en tapaði þremur höggum á síðustu fjórum holunum.

Hann hefur unnið fimm risatitla á ferlinum en engan frá árinu 2014. Klúður hans gaf Bandaríkjamanninum Bryson DeChambeau tækifæri til að tryggja sér sigur á mótinu sem og hann nýtti.

McIlroy óskaði Bryson til hamingju með sigurinn á samfélagsmiðlum sínum en Norður-Írinn talaði einnig um klúðrið sitt. Honum tókst ekki að nýta pútt af stuttu færi á bæði sextándu og átjándu holunni.

„Sunnudagurinn var erfiður dagur. Líklega erfiðasti dagurinn á sautján ára ferli mínum sem atvinnukylfingur,“ skrifaði Rory McIlroy.

„Þegar ég horfi til baka yfir mótið þá sé ég eftir nokkrum hlutum og þá sérstaklega púttunum á sextándu og átjándu á lokadeginum,“ skrifaði McIlroy.

„Eins og alltaf þá reyni ég samt að horfa frekar á það jákvæða en það neikvæða og það voru miklu fleiri jákvæðir hlutir en neikvæðir á þessu móti. Ég sagði það fyrir mótið að mér finnst ég vera nær sigri á risasmóti en ég hef nokkurn tímann verið áður,“ skrifaði McIlroy.

„Ég ætla núna að taka mér nokkra vikna frí frá golfi til að meta stöðuna og byggja mig aftur upp fyrir titilvörn mína á Opna skoska mótinu og svo fyrir Opna breska á Royal Troon,“ skrifaði McIlroy.

Opna skoska meistaramótið efst 11. júlí og Opna breska meistaramótið hefst viku síðar.