Enski boltinn

United og Liverpool berjast um miðvörð Sporting

Ingvi Þór Sæmundsson skrifar
Goncalo Inácio í leik með Sporting.
Goncalo Inácio í leik með Sporting. getty/Gualter Fatia

Portúgalski miðvörðurinn Goncalo Inácio er eftirsóttur, meðal annars af ensku stórliðunum Manchester United og Liverpool.

Inácio hefur verið orðaður við Liverpool í dágóðan tíma en nú virðist United vera komið inn í myndina og samkvæmt portúgölskum fjölmiðlum stefnir félagið á að bjóða í leikmanninn.

Hinn 22 ára Inácio hefur leikið með Sporting allan sinn feril. Hann varð portúgalskur meistari með liðinu á nýafstöðnu tímabili.

Inácio hefur leikið sex leiki fyrir portúgalska landsliðið og er í hópi þess fyrir EM í Þýskalandi.

United þarf að fylla skarð Raphaëls Varane sem yfirgaf félagið eftir síðasta tímabil. Síðasti leikur hans í rauðu treyjunni var úrslitaleikur ensku bikarkeppninnar þar sem United sigraði Manchester City, 2-1.

Enski boltinn Portúgalski boltinn

Mest lesið


Fleiri fréttir

Sjá meira


×

Mest lesið