Lið Haas í Formúlu 1 hefur komið verulega á óvart það sem af er leiktíð en fyrir fram var búist við að liðið myndi sleikja botninn en þess í stað er það í 7. sæti. Er það að mestu leyti samvinnu þeirra Nico Hülkenberg og Magnussen að þakka.
Í frétt The Athletic um málið segir að Magnussen hafi með nokkuð glæfralegum akstri tryggt Hülkenberg nokkur auka stig. Hann hefur fengið nokkuð refsistig fyrir en toppaði það í Miami.
From @TheAthletic: Kevin Magnussen will spend the rest of the season on the brink of an F1 race ban for his driving behavior, assuming he doesn’t trigger it with one more offense. https://t.co/RfOIW97BNB
— The New York Times (@nytimes) May 13, 2024
„Ég þurfti að gera mitt til að verja Nico,“ sagði Magnussen í viðtali eftir kappaksturinn. Hann hafði nælt sér í tíu sekúndna refsingu og átti því ekki möguleika á að vera meðal tíu efstu og næla þannig í stig. Hann gat þó haldið keppinautum sínum - og Nico - frá samherja sínum með því að fara vasklega fram, sem hann og gerði.
The Athletic greinir nú frá að Magnussen sé á mörkunum að vera dæmdur í keppnisbann og þurfi að halda sig á mottunni það sem eftir lifir tímabils. Hinn 31 árs gamli Magnussen er sem stendur með 10 refsistig en fái ökumaður 12 slík þá er hann dæmdur í keppnisbann.
Danski kappaksturskappinn þarf því að fara í gegnum 18 keppnir til viðbótar án þess að næla sér í meira en eitt refsistig þar sem þau núllast ekki út fyrr en á næstu leiktíð.
