Hlutu „Óskarinn“ í brúðkaupsskipulagningu Dóra Júlía Agnarsdóttir skrifar 13. maí 2024 15:00 Pink Iceland teymið Eva María Þórarinsdóttur Lange, Birna Hrönn og Hannes Sasi. Luxe Moments „Þetta sýnir okkur að það sé tekið eftir þeirri vinnu sem við höfum lagt í að koma Íslandi á kortið sem ákjósanlegum áfangastað fyrir brúðkaup og viðburði“, segja forsvarsmenn ferðaskrifstofunnar Pink Iceland, sem hlaut í apríl verðlaun sem uppáhalds skipuleggjandi áfangastaðabrúðkaupa í Evrópu og Asíu. Skrifstofan er talin brautryðjandi í skipulagningu brúðkaupa fyrir erlenda gesti sem vilja gifta sig á Íslandi. Í fréttatilkynningu segir: „Verðlaunin eru veitt af RSVP, virtum alþjóðlegum samtökum lúxusviðburða- og brúðkaupsskipuleggjenda, sem á ári hverju heiðra þá skipuleggjendur sem þau telja skara fram úr á sínu sviði en aðeins meðlimir samtakanna eru kosningabærir. Verðlaunaathöfnin fór fram á hinu sögufræga Ciragan Palace Kempinski Hotel í Istanbul.“ Pink Iceland skipuleggur fjölbreytt brúðkaup. Kristín María Dýrmæt viðurkenning Forsvarsmenn Pink Iceland, þau Birna Hrönn, Eva María og Hannes, segja verðlaunin skipta þau miklu máli og segja þau sambærileg Óskarsverðlaununum nema fyrir brúðkaupsskipulagningu. „Það er dýrmætt að fá þessa viðurkenningu frá kollegum okkar sem koma frá löndum og mörkuðum þar sem þjónusta sem þessi á sér mun lengri sögu. Þetta sýnir okkur að það sé tekið eftir þeirri vinnu sem við höfum lagt í að koma Íslandi á kortið sem ákjósanlegum áfangastað fyrir brúðkaup og viðburði. Við höfum sótt nokkrar ráðstefnur og fundi hjá þessum samtökum á síðustu árum og nýtt þennan vettvang til að skiptast á hugmyndum og sækja okkur innblástur í eigið starf, auk þess sem við höfum komið inn með þarfa hinsegin fræðslu og innsýn inn í starf RSVP. Við höfum frá fyrsta degi unnið út frá gildum heiðarleika, sjálfbærni, jafnrétti og virðingu fyrir fjölbreytileikanum og trúum því að þau ófrávíkjanlegu gildi ásamt töfrum íslensks landslags, stórkostlegu teymi og ómetanlegum samstarfsaðilum séu lykillinn að velgengni okkar. Sú nálgun þótti ekkert endilega vænleg til árangurs í árdaga Pink Iceland en hefur sannað sig í dag enda erum við orðin eftirsóttir fyrirlesarar á hinum ýmsu alþjóðlegu ferða- og brúðkaupsráðstefnum úti um allan heim.“ Verðlaunahafar RSVP í öllum flokkum í Istanbul.Luxe Moments Upphaflega hugsað fyrir hinsegin fólk Þetta eru önnur verðlaunin sem Pink Iceland hlýtur á skömmum tíma en í nóvember 2023 hlaut fyrirtækið Nýsköpunarverðlaun ferðaþjónustunnar í annað sinn. Pink Iceland er hugarfóstur Evu Maríu Þórarinsdóttur Lange sem fyrir tæpum fimmtán árum þróaði hugmynd að hinsegin ferðaþjónustufyrirtæki og gerði viðskiptaáætlun sem hluta af verkefni í ferðamálafræði í HÍ. Hugmyndin fékk vængi eftir þátttöku í Gullegginu þar sem hún vann til verðlauna og klaktist svo að lokum út árið 2011 þegar hún og Birna Hrönn, eiginkona Evu Maríu, stofnuðu fyrirtækið og vinur þeirra Hannes Sasi bættist í eigendahópinn. „Til að byrja með var áhersla lögð á að vekja athygli á Íslandi sem góðum áfangastað fyrir hinsegin fólk. Pink Iceland bauð upp á ferðir, ferðaskipulagningu og viðburði fyrir markhópinn og þegar samkynja hjónabönd urðu lögleg á Íslandi lá beint við að bjóða viðskiptavinum, sem flest máttu ekki gifta sig heima fyrir upp á að geta gift sig á Íslandi. Það er óhætt að segja að sú ákvörðun hafi verið mikið gæfuspor. Pink Iceland hefur vaxið og dafnað og í dag eru tíu manns í fullri vinnu hjá fyrirtækinu auk mikils fjölda verktaka sem koma inn eftir þörfum í brúðkaup eða viðburði. Á síðasta ári skipulagði fyrirtækið sitt þúsundasta brúðkaup,“ segja þær. Pink Iceland skipulagði sitt þúsundasta brúðkaup í fyrra og hafa komið að ýmsum fjölbreyttum viðburðum. Kristín María Ísland ratar á lista yfir eftirsóknarverðustu brúðkaupsstaðina „Fyrir stofnun Pink Iceland voru svokölluð áfangastaðabrúðkaup (e. Destination Weddings) fátíð á Íslandi og það mætti kalla það kaldhæðni örlaganna að lög sem veittu samkynja pörum rétt til að giftast voru ekki samþykkt á Íslandi fyrr en árið 2010 og gerði um leið Pink Iceland kleift að bjóða sínum markhópi upp á þá þjónustu,“ segir í fréttatilkynningu. Eva María og Birna segjast hafa fundið fyrir þörf á fjölbreyttari brúðkaupum. „Við vissum ekki í hvað stefndi en eftir að hafa skipulagt nokkur brúðkaup sáum við þörfin eftir þjónustunni var mikil, ekki einungis frá hinsegin fólki heldur einnig frá gagnkynhneigðum pörum sem leituðu til fyrirtækisins í auknu mæli. Það var auðsótt enda voru þau pör sem höfðu samband við okkur meðvituð um fyrir hvað við stöndum fyrir og töldu það okkur til tekna fyrir hitt. Við þurftum að finna upp nokkur hjól, reka okkur á fjölda veggja en með þrotlausri vinnu, nýstárlegri markaðssetningu, góðu teymi og velviljuðum innlendum samstarfsaðilum varð ekki aftur snúið og nú, tólf árum frá okkar fyrsta brúðkaupi, ratar Ísland iðulega á lista yfir eftirsóknarverðustu lönd heims til að gifta sig í. Við erum stolt af okkar þætti í þeirri vegferð.“ View this post on Instagram A post shared by PINK ICELAND (@pinkiceland) Hér má nálgast nánari upplýsingar um Pink Iceland. Brúðkaup Ferðalög Mest lesið Katy Perry og Justin Trudeau á stefnumóti Lífið „Þetta var algjört bíómyndamóment“ Lífið Öldrun í hársverði - Fríða Rut gefur ráð Lífið samstarf Samband Gallagher-bræðra sagt á hálum ís Lífið Úr kjallaranum hjá mömmu yfir á stóra sviðið Tónlist Myndaveisla frá troðfullri tuttugu ára Bræðslunni Lífið Hágæða merkjavara á geggjuðum afslætti út föstudaginn Lífið samstarf Sögulegur klæðnaður á dreglinum Lífið Ræðir það ekki í fjölskylduboði ef þú hittir frænda þinn á swing-viðburði Lífið „Öll dýrin í skóginum voru vinir“ Tónlist Fleiri fréttir Góðar gallabuxur og gen eða rasískir undirtónar? Sögulegur klæðnaður á dreglinum Myndaveisla frá troðfullri tuttugu ára Bræðslunni Katy Perry og Justin Trudeau á stefnumóti „Þetta var algjört bíómyndamóment“ Samband Gallagher-bræðra sagt á hálum ís Harrý rétti fram eins konar sáttahönd Stjörnulífið: „Who the fuck is Kaleo?“ Ræðir það ekki í fjölskylduboði ef þú hittir frænda þinn á swing-viðburði Gordon Ramsay gerir upp Íslandsævintýri „Ekkert okkar grunaði að hann myndi fara þessa leið“ Destiny's Child með óvænta endurkomu Jóhanna Guðrún og Ólafur giftu sig Myndaveisla: Landinn skemmti sér konunglega í Vaglaskógi Bandaríkjaforseti birtir bull í bunkum Óvæntur Johnny Depp heiðraði Ozzy með Alice Cooper „Greyið, hann þarf að horfa á mig deyja“ Krakkatían: Dvergarnir sjö, klukkuturn og plánetur Ragga Holm og Elma giftu sig „Seldist upp í rúturnar nánast jafn snarlega og á tónleikana“ Unaðsvörur Harry Styles valda titringi Líf og fjör í Reykholti í Borgarfirði um helgina á Reykholtshátíð „Það er í raun kraftaverk að hún sé á lífi í dag“ Fréttatía vikunnar: Stórtónleikar, NBA-stjarna á klakanum og heimsfræg lesbía Fólk farið að flykkjast í Vaglaskóg Ása Ninna kveður Bylgjuna Will Smith við Davíð Goða: „Haltu áfram að skapa“ Fögnuðu 181 milljarðs samningi með því að sýna Trump á typpinu Love Island-stjörnur komnar í hóp Íslandsvina „Við viljum alls ekki fá of marga“ Sjá meira
Í fréttatilkynningu segir: „Verðlaunin eru veitt af RSVP, virtum alþjóðlegum samtökum lúxusviðburða- og brúðkaupsskipuleggjenda, sem á ári hverju heiðra þá skipuleggjendur sem þau telja skara fram úr á sínu sviði en aðeins meðlimir samtakanna eru kosningabærir. Verðlaunaathöfnin fór fram á hinu sögufræga Ciragan Palace Kempinski Hotel í Istanbul.“ Pink Iceland skipuleggur fjölbreytt brúðkaup. Kristín María Dýrmæt viðurkenning Forsvarsmenn Pink Iceland, þau Birna Hrönn, Eva María og Hannes, segja verðlaunin skipta þau miklu máli og segja þau sambærileg Óskarsverðlaununum nema fyrir brúðkaupsskipulagningu. „Það er dýrmætt að fá þessa viðurkenningu frá kollegum okkar sem koma frá löndum og mörkuðum þar sem þjónusta sem þessi á sér mun lengri sögu. Þetta sýnir okkur að það sé tekið eftir þeirri vinnu sem við höfum lagt í að koma Íslandi á kortið sem ákjósanlegum áfangastað fyrir brúðkaup og viðburði. Við höfum sótt nokkrar ráðstefnur og fundi hjá þessum samtökum á síðustu árum og nýtt þennan vettvang til að skiptast á hugmyndum og sækja okkur innblástur í eigið starf, auk þess sem við höfum komið inn með þarfa hinsegin fræðslu og innsýn inn í starf RSVP. Við höfum frá fyrsta degi unnið út frá gildum heiðarleika, sjálfbærni, jafnrétti og virðingu fyrir fjölbreytileikanum og trúum því að þau ófrávíkjanlegu gildi ásamt töfrum íslensks landslags, stórkostlegu teymi og ómetanlegum samstarfsaðilum séu lykillinn að velgengni okkar. Sú nálgun þótti ekkert endilega vænleg til árangurs í árdaga Pink Iceland en hefur sannað sig í dag enda erum við orðin eftirsóttir fyrirlesarar á hinum ýmsu alþjóðlegu ferða- og brúðkaupsráðstefnum úti um allan heim.“ Verðlaunahafar RSVP í öllum flokkum í Istanbul.Luxe Moments Upphaflega hugsað fyrir hinsegin fólk Þetta eru önnur verðlaunin sem Pink Iceland hlýtur á skömmum tíma en í nóvember 2023 hlaut fyrirtækið Nýsköpunarverðlaun ferðaþjónustunnar í annað sinn. Pink Iceland er hugarfóstur Evu Maríu Þórarinsdóttur Lange sem fyrir tæpum fimmtán árum þróaði hugmynd að hinsegin ferðaþjónustufyrirtæki og gerði viðskiptaáætlun sem hluta af verkefni í ferðamálafræði í HÍ. Hugmyndin fékk vængi eftir þátttöku í Gullegginu þar sem hún vann til verðlauna og klaktist svo að lokum út árið 2011 þegar hún og Birna Hrönn, eiginkona Evu Maríu, stofnuðu fyrirtækið og vinur þeirra Hannes Sasi bættist í eigendahópinn. „Til að byrja með var áhersla lögð á að vekja athygli á Íslandi sem góðum áfangastað fyrir hinsegin fólk. Pink Iceland bauð upp á ferðir, ferðaskipulagningu og viðburði fyrir markhópinn og þegar samkynja hjónabönd urðu lögleg á Íslandi lá beint við að bjóða viðskiptavinum, sem flest máttu ekki gifta sig heima fyrir upp á að geta gift sig á Íslandi. Það er óhætt að segja að sú ákvörðun hafi verið mikið gæfuspor. Pink Iceland hefur vaxið og dafnað og í dag eru tíu manns í fullri vinnu hjá fyrirtækinu auk mikils fjölda verktaka sem koma inn eftir þörfum í brúðkaup eða viðburði. Á síðasta ári skipulagði fyrirtækið sitt þúsundasta brúðkaup,“ segja þær. Pink Iceland skipulagði sitt þúsundasta brúðkaup í fyrra og hafa komið að ýmsum fjölbreyttum viðburðum. Kristín María Ísland ratar á lista yfir eftirsóknarverðustu brúðkaupsstaðina „Fyrir stofnun Pink Iceland voru svokölluð áfangastaðabrúðkaup (e. Destination Weddings) fátíð á Íslandi og það mætti kalla það kaldhæðni örlaganna að lög sem veittu samkynja pörum rétt til að giftast voru ekki samþykkt á Íslandi fyrr en árið 2010 og gerði um leið Pink Iceland kleift að bjóða sínum markhópi upp á þá þjónustu,“ segir í fréttatilkynningu. Eva María og Birna segjast hafa fundið fyrir þörf á fjölbreyttari brúðkaupum. „Við vissum ekki í hvað stefndi en eftir að hafa skipulagt nokkur brúðkaup sáum við þörfin eftir þjónustunni var mikil, ekki einungis frá hinsegin fólki heldur einnig frá gagnkynhneigðum pörum sem leituðu til fyrirtækisins í auknu mæli. Það var auðsótt enda voru þau pör sem höfðu samband við okkur meðvituð um fyrir hvað við stöndum fyrir og töldu það okkur til tekna fyrir hitt. Við þurftum að finna upp nokkur hjól, reka okkur á fjölda veggja en með þrotlausri vinnu, nýstárlegri markaðssetningu, góðu teymi og velviljuðum innlendum samstarfsaðilum varð ekki aftur snúið og nú, tólf árum frá okkar fyrsta brúðkaupi, ratar Ísland iðulega á lista yfir eftirsóknarverðustu lönd heims til að gifta sig í. Við erum stolt af okkar þætti í þeirri vegferð.“ View this post on Instagram A post shared by PINK ICELAND (@pinkiceland) Hér má nálgast nánari upplýsingar um Pink Iceland.
Brúðkaup Ferðalög Mest lesið Katy Perry og Justin Trudeau á stefnumóti Lífið „Þetta var algjört bíómyndamóment“ Lífið Öldrun í hársverði - Fríða Rut gefur ráð Lífið samstarf Samband Gallagher-bræðra sagt á hálum ís Lífið Úr kjallaranum hjá mömmu yfir á stóra sviðið Tónlist Myndaveisla frá troðfullri tuttugu ára Bræðslunni Lífið Hágæða merkjavara á geggjuðum afslætti út föstudaginn Lífið samstarf Sögulegur klæðnaður á dreglinum Lífið Ræðir það ekki í fjölskylduboði ef þú hittir frænda þinn á swing-viðburði Lífið „Öll dýrin í skóginum voru vinir“ Tónlist Fleiri fréttir Góðar gallabuxur og gen eða rasískir undirtónar? Sögulegur klæðnaður á dreglinum Myndaveisla frá troðfullri tuttugu ára Bræðslunni Katy Perry og Justin Trudeau á stefnumóti „Þetta var algjört bíómyndamóment“ Samband Gallagher-bræðra sagt á hálum ís Harrý rétti fram eins konar sáttahönd Stjörnulífið: „Who the fuck is Kaleo?“ Ræðir það ekki í fjölskylduboði ef þú hittir frænda þinn á swing-viðburði Gordon Ramsay gerir upp Íslandsævintýri „Ekkert okkar grunaði að hann myndi fara þessa leið“ Destiny's Child með óvænta endurkomu Jóhanna Guðrún og Ólafur giftu sig Myndaveisla: Landinn skemmti sér konunglega í Vaglaskógi Bandaríkjaforseti birtir bull í bunkum Óvæntur Johnny Depp heiðraði Ozzy með Alice Cooper „Greyið, hann þarf að horfa á mig deyja“ Krakkatían: Dvergarnir sjö, klukkuturn og plánetur Ragga Holm og Elma giftu sig „Seldist upp í rúturnar nánast jafn snarlega og á tónleikana“ Unaðsvörur Harry Styles valda titringi Líf og fjör í Reykholti í Borgarfirði um helgina á Reykholtshátíð „Það er í raun kraftaverk að hún sé á lífi í dag“ Fréttatía vikunnar: Stórtónleikar, NBA-stjarna á klakanum og heimsfræg lesbía Fólk farið að flykkjast í Vaglaskóg Ása Ninna kveður Bylgjuna Will Smith við Davíð Goða: „Haltu áfram að skapa“ Fögnuðu 181 milljarðs samningi með því að sýna Trump á typpinu Love Island-stjörnur komnar í hóp Íslandsvina „Við viljum alls ekki fá of marga“ Sjá meira