Sí­gild hönnun frá Rosti verður 70 ára

Árið 1954 þegar Margrét prinsessa af Danmörku var þrettán ára gömul og nýorðin næsti arftaki krúnunnar fékk Sigvard Bernadotte, frændi hennar, þá hugmynd að nefna skál henni til heiðurs og fékk til þess leyfi frá dönsku krúnunni. Hann var meðeigandi hönnunarstofu sem Rosti átti í samstarfi við og fékk til þess að hanna það sem átti eftir að verða margverðlaunuð og sígild dönsk hönnun. Samt sem áður hefur Margrétarskálin hlotið lof fyrir margt annað en uppruna sinn eingöngu. Skálin er þekkt fyrir framúrskarandi gæði og ekki síst getu sína til þess að aðlagast breyttum tímum.

Ný umgjörð, sama innihald

Margrétarskálin hefur haldið sinni upprunalegu hönnun og efnivið í sjö áratugi en nú er komið að því að steypa skálina í nýju, endurvinnanlegu plasti, Durostima®, sem uppfyllir ströngustu kröfur um endurvinnanleg efni. Nýr efniviður skálarinnar hefur sömu styrkleika og forverinn, og gott betur en það. Skálin er nú ennþá sterkari og með aukinni brotvörn auk þess að mega bæði fara í örbylgjuofn og setja í frysti.

Heimsfræg framreiðsluskál

Frá því að Margrétarskálin kom fyrst á markað hafa selst meira en 25 milljón eintök. Skálin hefur hlotið viðurkenningar frá mörgum af virtustu hönnunarhúsum heims. Árið 1971 hlaut hún “Isenkræmmernes Designpris” verðlaunin og dönsku hönnunarverðlaunin árið 1985. Í seinna skiptið lét Rosti gera sérstaka viðhafnarútgáfu af Margrétarskálinni úr Sterlings silfri með aðstoð Georg Jensen silfursmiða, sem afhent var drottningunni. Silfurskálin var hluti af sérstakri sýningu í Kristjánsborgarhöll ,,Við hæfi Drottningar” árið 2019, þar sem hún var til sýnis ásamt öðrum glæsimunum úr safni Drottningarinnar.

Á níunda áratugnum var upprunalega skálin til sýnis á Nútímalistasafninu í New York, en það undirstrikaði stöðu hennar sem engu minna en listaverk. Árið 1997 var rauðu Margrétarskálinni fagnað sérstaklega þegar hún var gerð ódauðleg með sínu eigin danska frímerki og fest í sessi sem mikilvægur hluti af danskri hönnunarsögu.

Margrétarskálin er aðeins stór hluti af sögunni. Með nýjum efnivið hefur hún enn einu sinni sannað aðlögunarhæfni sína að nútímalegum þörfum og kröfum – án þess að tímalausri hönnun framúrskarandi gæðum og hagnýtni hennar sé fórnað. Margrétarskálin er vís til þess að lifa um ókomin ár.

Eldri gerðum af Margrétarskálinni verður hægt og rólega skipt út fyrir nýja og endurbætta útgáfu á næstu misserum á sölustöðum Rosti. Rosti Margrétarskálarnar fást meðal annars í Hagkaup, Fjarðarkaup, Byggt og búið og Bast.