Tíundi sigurleikur liðsins í röð

Martin Hermannsson gekk aftur til liðs við Alba Berlin frá Valencia í byrjun árs. Síðan þá hefur hann stimplað sem lykilmann í liðinu. 

Hann var í byrjunarliði Berlínarmanna í dag og skilaði fínu framlagi. Skoraði 9 stig, gaf 6 stoðsendingar og greip 2 fráköst. 

Leikurinn var kaflaskiptur og Alba var sex stigum undir eftir fyrsta leikhlutann. Þeir skerptu á sér þegar líða fór á og unnu að endingu níu stiga sigur. 

Þetta var tíundi deildarsigur Alba Berlin í röð, þeir hafa ekki tapað leik í deildinni síðan 28. janúar. Berlínarliðið er í 3. sæti deildarinnar með 20 sigra og 5 töp. Bayern Munchen trónir á toppnum með tvo fleiri sigra.