Fótbolti

Stefán Ingi gerði út um leikinn með tveimur mörkum í lokin

Óskar Ófeigur Jónsson skrifar
Stefán Ingi Sigurðarson fagnar marki með Blikum í Bestu deildinni síðsta sumar.
Stefán Ingi Sigurðarson fagnar marki með Blikum í Bestu deildinni síðsta sumar. Vísir/Hulda Margrét

Stefán Ingi Sigurðarson innsiglaði sigur Patro Eisden á Lommel í belgísku b-deildinni í fótbolta í dag.

Patro Eisden vann þá 3-0 heimasigur á liðinu í öðru sæti en Patro Eisden er í fimmta sæti eftir þennan sigur.

Stefán Ingi kom inn á sem varamaður á 77. mínútu leiksins og kom liðinu sínu í 2-0 á 82. mínútu. Hann var ekki hættur því hann skoraði aftur á 85. mínútu.

Þetta voru sjötta og sjöunda deildarmark Stefáns Inga á leiktíðinni en um leið fyrstu mörk hans fyrir liðið í deildinni síðan í byrjun febrúar.

Stefán Ingi yfirgaf Blika á miðju síðasta tímabili eftir að hafa skorað tíu mörk í fyrstu tólf leikjum sínum í Bestu deildinni.

Belgíski boltinn

Mest lesið


Fleiri fréttir

Sjá meira


×

Mest lesið