Enski boltinn

Meiðsla­vand­ræði á Man. City fyrir stór­leikinn á móti Arsenal

Óskar Ófeigur Jónsson skrifar
Það gæti reynt vel á breiddina í liði Manchester City fyrir leikinn á móti Arsenal um helgina. John Stones meiddist á nára í gærkvöldi.
Það gæti reynt vel á breiddina í liði Manchester City fyrir leikinn á móti Arsenal um helgina. John Stones meiddist á nára í gærkvöldi. Getty/Marc Atkins

Manchester City mætir toppliði Arsenal í toppslag ensku úrvalsdeildarinnar um helgina en knattspyrnustjórinn Pep Guardiola hefur ekki fengið góðar fréttir af sínum mönnum í þessum landsleikjaglugga.

Það bættist nefnilega enn á meiðslavandræði City liðsins í gær þegar John Stones fór meiddur af velli eftir aðeins tíu mínútna leik hjá enska landsliðinu á móti Belgíu.

„Auðvitað erum við vonsviknir ef hann er meiddur. Þetta lítur út fyrir að vera á nárasvæðinu,“ sagði Gareth Southgate, landsliðsþjálfari Englands.

Kyle Walker hafði áður tognað aftan í læri í leiknum á móti Brasilíu á dögunum. Það er mjög ólíklegt að þessir tveir geti spilað á móti Arsenal enda mjög stutt í þann leik.

Manuel Akanji meiddist einnig í landsliðsverkefni Sviss og yfirgaf hópinn fyrir leik Svisslendinga á móti Írlandi í gær.

Kevin De Bruyne (Belgía), Ederson (Brasilía) og Jack Grealish (England) misstu líka allir af þessum landsliðsglugga vegna meiðsla.

Enski boltinn

Mest lesið


Fleiri fréttir

Sjá meira


×

Mest lesið