Hrífandi hönnunarperla við Heið­mörk

Falleg hönnun, hlýleiki og náttúruleg birta einkennir þessa sjarmerandi eign.

Eigendur eru sannkallaðir fagurkerar sem hafa innréttað húsið á afar glæsilegan máta með skandi­nav­ísku yf­ir­bragði, en í eigninni má finna klass­ísk húsgögn eft­ir heimsþekkta hönnuði sem stand­ast tím­ans tönn. 

Þá má meðal annars nefna Eggið og Sjöurnar eftir danska hönnuðinn Arne Jacobsen og gráar Montana hillueiningar, hönnun frá árinu 1982.

Alrýmið sem samanstendur af eldhúsi, stofu og borðstofu, er í björtu og rúmgóðu rými með góðum gluggum og útsýni að óspilltri náttúru.

Eignin skiptist í fimm svefnherbergi, þvottahús, tvö baðherbergi, eldhús, borðstofu, stofu, sjónvarpsrými og geymslu. Útgengt er úr stofu á rúmgóða verönd. Hver krók­ur og kimi er vel nýtt­ur í hús­inu sem er til­valið fjöl­skyldu­fólk.

Nánari upplýsingar um eignina má finna á fasteignavef Vísis.