Klopp biður stuðnings­menn um að halda ró sinni

Klopp greindi frá því í síðustu viku að hann muni hætta sem knattspyrnustjóri Liverpool í sumar. Hann greindi frá því að hann væri orðinn þreyttur og að nú væri rétti tíminn fyrir hann að stíga til hliðar eftir tæp níu ár í starfi.

Eftir fréttirnar af yfirvofandi brotthvarfi þjálfarans hafa margir stuðningsmenn Liverpool velt fyrir sér hvað verði um leikmenn liðsins og hvort þeir muni leita á önnur mið nú þegar stjórinn er á förum. Klopp biður stuðningsmenn þó um að halda ró sinni.

„Strákarnir elska þennan stað. Ég veit það vel,“ sagði Klopp. „Það er ekki eins og þeir séu komnir með annan fótinn út úr klúbbnum.“

Klopp greindi eigindum Liverpool frá áformum sínum í nóvember á síðasta ári þó ákvörðunin hafi ekki verið gerð opinber fyrr en þann 26. janúar síðastliðinn. Samningar leikmanna á borð við Mohamed Salah og Trent Alexander-Arnold renna út í sumar, en Klopp segir að félagið hafi haft nægan tíma til að endursemja við þá síðan hann greindi frá ákvörðun sinni.

„Félagið er búið að vita af minni ákvörðun í svolítinn tíma núna og það hefði verið hægt að nota þann tíma í að endursemja við leikmenn,“ bætti Klopp við.

„En þá þegar ég segi leikmönnunum að ég verði eki hér á næsta tímabili þá segjast þeir ekkert hafa heyrt af því eftir að þeir skrifa undir nýjan samning. Það er ekki hægt að vinna þannig, sérstaklega ekki þegar samband okkar er eins gott og það er. Það er nægur tími til að klára þetta,“ sagði Klopp.