Félagið greinir frá tíðindunum á heimasíðu sinni, en Gunnar hefur verið aðstoðarþjálfari liðsins undanfarna mánuði og þekkir því vel til hjá liðinu.
Stjórn knattspyrnudeildar KR hefur ráðið Gunnar Einarsson sem þjálfara meistaraflokks kvenna út keppnistímabilið 2025.
— KR Reykjavik FC (@KRreykjavik) January 20, 2024
Gunnar hefur verið aðstoðarþjálfari liðsins undanfarna mánuði og þekkir liðið og umhverfið vel.
Nánari upplýsingar:https://t.co/pZ0wMu7xC5 pic.twitter.com/PfUqos01qw
Gunnar lék í sjö ár með KR eftir stuttan atvinnumannaferil og varð þrisvar sinnum Íslandsmeistari með félaginu (2000, 2002 og 2003). Þá varð hann einnig deildarbikarmeistari í tvígang með KR (2001 og 2005).
KR leikur í þriðju efstu deild Íslandsmótsins á næsta tímabili, en í gær bárust þau óvæntu tíðindi að Pálmi Rafn Pálmason myndi láta af störfum sem þjálfari liðsins til að taka við stöðu aðstoðarþjálfara karlaliðsins.
Pálmi hafði áður gefið út að hann ætlaði sér að koma kvennaliðinu í fremstu röð og að hann ætti erfitt með að skilja við liðið á þeim stað sem það er í dag.