Fótbolti

Arsenal valtaði yfir Chelsea í toppslagnum

Hjörtur Leó Guðjónsson skrifar
Alessia Russo skoraði tvívegis fyrir Arsenal í dag.
Alessia Russo skoraði tvívegis fyrir Arsenal í dag. Warren Little/Getty Images

Arsenal lyfti sér upp að hlit Chelsea í ensku úrvalsdeildinni kvennamegin með öruggum 4-1 sigri í toppslag deildarinnar í dag.

Beth Mead kom heimakonum í Arsenal yfir strax á áttundu mínútu eftir stoðsendingu frá Victoria Pelova áður en Johanna Rytting Kaneryd jafnaði metin fyrir Chelsea fimm mínútum síðar.

Heimakonur fóru þó með tveggja marka forystu inn í hálfleikshléið eftir að Amanda Ilestedt og Alessia Russo skoruðu sitt markið hvor með tveggja mínútna millibili þegar um tíu mínútur voru eftir af hálfleiknum.

Russo gerði svo út um leikinn með marki úr vítaspyrnu þegar um stundarfjórðungur lifði leiks. Lokatölur 4-1, Arsenal í vil, og sigurinn lyftir liðinu upp að hlið Chelsea á toppi deildarinnar. Liðin eru nú bæði með 22 stig eftir níu leiki, þremur stigum meira en Manchester City sem situr í þriðja sæti.

Enski boltinn

Mest lesið


Fleiri fréttir

Sjá meira


×

Mest lesið