Afreksíþróttamaður myrti brúði sína og þrjá aðra í brúð­kaupinu

Breska ríkisútvarpið greinir frá því að hinn 29 ára gamli Chaturong Suksuk hafi á laugardag yfirgefið brúðakup sitt skyndilega og snúið aftur með byssu í hendi. Strax og hann sneri aftur hafi han skotið Kanchana Pachunthuek 44 ára gamla brúði sína, ríflega sextuga móður hennar og 38 ára gamla systur.

Chaturong hæfði óvart tvo gesti til viðbótar og lést annar þeirra á sjúkrahúsi. Að sögn lögreglu var Chaturong verulega drukkinn þegar hann framdi árásina en óljóst er hvað bjó að baki. Að sögn lögreglu keypti hann bæði skotvopnið og skotfæri samkvæmt bókarinar reglum á síðast aári. 

Taílenskir miðlar hafa eftir brúðkaupsgestum að brúðhjónin hafi rifist í veislunn og að Chaturong hafi verið með einhverja bakþanka vegna aldursbilsins milli hans og brúðarinnar. Chaturong misti hægri fót sinn við landamæravörslu þegar hann var í hernum.

Chaturong og Kanchana eru sögð hafa búið saman undanfarin þrjú ár. Chaturong vann til silfurverðlauna í sundi á íþróttaleikum fatlaðra í Suðaustur-Asíu í Indónesíu í fyrra. Þá var hann talinn líklegur til að verða valinn í hóp íþróttamanna sem tæki þátt á World Abilitysport Games í Taílandi í næsta mánuði.