Royal: Ég sætti mig aldrei við að vera á bekknum

Pedro Porro hefur byrjað flesta leiki fyrir Tottenham í hægri bakvarðarstöðunni í vetur en Royal segist vera staðráðinn í að vinna sig aftur í byrjunarliðið.

„Ég hef alltaf verið þannig manneskja að ég vil verða bestur. Þegar ég spila borðtennis þá vil ég vera bestur, ef ég spila körfubolta þá vil ég vera bestur, jafnvel þó svo að hafi aldrei snert körfubolta í mínu lífi. Þetta er keppnisskapið sem ég hef,“ byrjaði Royal að segja.

„Ég þakka guði fyrir það að þjálfarinn er búinn að sjá þetta. Hann hefur séð að ég legg alltaf hart af mér og reyni að hjálpa liðsfélögum mínum. Þetta snýst ekki bara um mig, ég vil líka að allir aðrir í kringum mig æfi betur.“

„Ég virði þjálfarann og hans ákvarðanir en ég mun aldrei sætta mig við það að sitja á bekknum,“ endaði Emmerson Royal að segja.