„Tækifæri fyrir okkur að sanna að við getum gert góða hluti saman“ Aron Guðmundsson skrifar 19. nóvember 2023 13:16 Åge Hareide, landsliðsþjálfari íslenska karlalandsliðsins í fótbolta var til viðtals eftir æfingu liðsins í gær á José Alvalade leikvanginum í Lissabon þar sem leikur kvöldsins gegn Portúgal í undankeppni EM 2024 fer fram. Vísir Åge Hareide, landsliðsþjálfari íslenska karlalandsliðsins í fótbolta segir lokaleik liðsins í undankeppni EM 2024 í kvöld, gegn toppliði Portúgal á útivelli, vera kjörið tækifæri fyrir leikmenn liðsins til þess að sanna að þeir geti gert góða hluti saman. Ísland mætir til leiks með þungt tap fyrir Slóvakíu á bakinu og enga möguleika á að komast upp úr riðlinum. Sigur Portúgal í kvöld mun sjá til þess að liðið vinnur riðilinn með fullt hús stiga. Aron Guðmundsson skrifar frá Lissabon Búist er við því að heimamenn muni troðfylla José Alvalade leikvanginn í Lissabon í kvöld þegar að Portúgal og Ísland mætast. Búið er að troða portúgölskum fánum í hvert einasta sæti vallarins og skipuleggja veglega sigurhátíð eftir leik til að fagna EM sæti Portúgal. Frammistaða íslenska landsliðsins í síðasta leik gegn Slóvakíu var langt í frá sannfærandi og hefur þjálfarateymi liðsins nú fengið smá tíma til að rýna í það sem gekk á þar. Klippa: Tækifæri fyrir okkur að sanna að við getum gert góða hluti saman Þurfa að takmarka mistökin „Þetta var leikur eins og við var að búast frá Slóvakíu. Þeir herjuðu af miklum krafti á okkur. En þegar að við komumst einu marki yfir fannst okkur við vera ná betri stjórn á leiknum og á þeim tímapunkti var andstæðingurinn ekki að skapa sér nein færi af ráði. Þeir fengu þó hornspyrnur og því miður í fyrsta markinu fer boltinn á milli lappanna á Alfonsi á fjærstönginni. Það er snefill af óheppni sem verður til þess að við fáum þannig mark á okkur. Svo er ákvörðun í VAR-kerfinu sem fellur gegn okkur í örðu markinu rétt fyrir lok fyrri hálfleiks. Ég tel að sú ákvörðun hafi ollið miklum pirringi meðal leikmanna.“ Frá leiknum gegn Slóvakíu á dögunum í BratislavaVísir/Getty Seinni hálfleikurinn sem fylgdi í kjölfarið hafi alls ekki verið góður hjá liðinu. „Við byrjuðum hann skelfilega. Fengum á okkur tvö mörk og þá var allt okkar leikplan fokið út um gluggann. Við þurfum að gera eitthvað í þessum mistökum sem við erum að gera okkur seka um. Þetta er ekki gott. Stundum líður manni eins og maður sé að taka skref fram á við en svo tekur maður tvö aftur á bak. Ég veit þó að til að koma á stöðugleika í liðinu þurfum við að æfa meira, vera með stöðugri landsliðshóp. Allir bestu leikmenn okkar verða að vera til taks vegna þess að leikmennirnir sem við höfum úr að velja í landsliðið eru ekki svo margir. Ég tel okkur hins vegar búa yfir sterkum leikmannahóp þegar að allir eru heilir heilsu.“ Þurfa að vera hreinskilnir með það Liðið þurfi að halda áfram að leggja á sig vinnuna. „Það er langt í marsmánuð núna en þessi tími mun líða hratt. Vonandi verða allir klárir í mars vegna þess að þegar að við erum upp á okkar besta þá lítum við mjög vel út. Úrslitin hafa kannski ekki verið með okkur í liði og stundum lítur þetta hræðilega út, eins og í seinni hálfleik á móti Slóvakíu, við verðum bara að vera hreinskilnir með það. En við þurfum að halda áfram að leggja hart að okkur. Eitt af vandamálum þess að vera með landslið að þú ert aldrei með mikinn tíma á æfingavellinum með liðið. Við þurfum því að vonast til að þetta muni koma heim og saman.“ Frá leiknum gegn Slóvakíu á dögunum í BratislavaVísir/Getty Horfa í síðasta leik gegn Portúgal Einn af betri leikjum Íslands í undankeppninni var akkúrat gegn Portúgal á Laugardalsvelli síðastliðið sumar. Leikur sem liðið lítur til fyrir leik kvöldsins. „Á móti Portúgal heima áttum við mjög góðan leik. Varnarlega vorum við mjög skipulagðir en vorum svo óheppnir undir lokin að fá þessa VAR-ákvörðun gegn okkur. Ég er mjög ánægður með þann leik hjá okkur og inn í leik kvöldsins munum við koma með sömu nálgun, sama hugarfar.“ Sammála gagnrýnendum Eftir tapið gegn Slóvakíu mátti greina mikla óánægju með spilamennsku liðsins heima fyrir og var haft orð á því að liðið væri með þessu að taka skref aftur á bak. Hvað segirðu við því? „Já þetta var skref aftur á bak. Sér í lagi ef við horfum á spilamennskuna í seinni hálfleik. Sumir dagar eru svona. Ég hafði á orði að þetta væri svartur fimmtudagur fyrir Ísland og hann var það. Þetta er pirrandi því við gerðum skelfileg mistök, leyfðum andstæðingnum að vinna boltann á hættulegum stöðum. Frá leiknum gegn Slóvakíu á dögunum í BratislavaVísir/Getty „Í fyrri hálfleik finnst okkur samt, þrátt fyrir að Slóvakía hafi verið meira með boltann eftir að við komumst yfir, við hafa verið með ágæta stjórn á leiknum. En svo eru ákveðnir þættir leiksins sem maður getur ekki haft stjórn á. Við höfum stjórn á okkar einstaklingsgæðum, að gera ekki mistök á hættulegum svæðum, og svo höfum við stjórn á leikskipulagi okkar. Mér fannst við stundum framkvæma þessa hluti vel og stundum ekki. Í grunninn þurfum við bara að sýna meiri stöðugleika sem lið og við þurfum einnig að geta valið um okkar bestu leikmenn til þess að geta keppt við þá bestu.“ Frá fyrri leik Íslands og Portúgal í undankeppninni á Laugardalsvelli.Vísir/Vilhelm Gunnarsson Gott tækifæri Að leiknum gegn Portúgal. Það yrði alltaf til mikils að ætlast að næla í úrslit gegn Portúgal en hvað viltu sjá frá þínu liði í þessum leik? „Ég vil sjá gott skipulag. Við þurfum að sýna stöðugleika í varnarleik okkar og framkvæma hlutina hratt fram á við þegar að við vinnum boltann. Við búum að góðri reynslu frá leik okkar gegn Portúgal fyrr á árinu á Laugardalsvelli. Þetta er gott tækifæri fyrir okkur að sanna að við getum gert góða hluti saman. Ég hef talað um það við leikmennina. Að gott skipulag sé á okkar leik, það mun skipta höfuðmáli í þessum leik.“ Leikur Portúgal og Íslands í undankeppni EM 2024 verður sýndur í beinni útsendingu og opinni dagskrá á Stöð 2 Sport og hefst upphitun klukkan 19:10. Leikar hefjast svo korter í átta. Landslið karla í fótbolta EM 2024 í Þýskalandi Mest lesið Í beinni: Ísland - Frakkland | Ögurstund á glænýjum velli Fótbolti Gætu hent Crystal Palace út úr Evrópudeildinni Enski boltinn Sá glitta í þá Söru Sigmunds sem við þekkjum svo vel Sport Hóta Abramovich lögsókn og vilja láta Úkraínu fá Chelsea peninginn Enski boltinn Ummæli Davíðs Smára ekki á borði aganefndar Íslenski boltinn Bruno ætlar ekki að sækja seðlana í Sádi-Arabíu Enski boltinn Badmus á förum en Valur heldur íslenskum lykilmönnum Körfubolti Sýndu reiði Davíðs skilning en fannst hann fara yfir strikið Íslenski boltinn Leikurinn sem gæti leitt stelpurnar að HM í fyrsta sinn Fótbolti Leikmenn ensku stórliðanna kvarta við leikmannasamtökin Enski boltinn Fleiri fréttir Sænsku stelpurnar fóru illa með þær dönsku og eru komnar i úrslit Spánverjar héldu toppsætinu og stelpurnar hennar Betu komust í umspilið Sparta heldur Nökkva Þey en missir Kristian Nökkva Ágúst Gylfason snýr aftur í boltann og tekur við Leikni Í beinni: Ísland - Frakkland | Ögurstund á glænýjum velli Dagný, Guðný og Agla María koma allar inn í byrjunarliðið „Þá verður þú bara að taka höggin“ Bönnin þegar Besta hefst aftur: Víkingar missa lykilmann og Vestri án tveggja Inzaghi hættur með Inter og stýrir nýju liði á HM Sara Björk hittir áhorfendur og sendir stelpunum okkar EM kveðju „Ætlum að stríða þeim aftur“ Pétur Rúnar á bekknum hjá Stólunum í 3. deildinni Sancho samdi ekki við Chelsea sem þarf að borga sekt Leikurinn sem gæti leitt stelpurnar að HM í fyrsta sinn Ummæli Davíðs Smára ekki á borði aganefndar Mikil spenna fyrir vígsluleiknum á Laugardalsvelli Sýndu reiði Davíðs skilning en fannst hann fara yfir strikið Bruno ætlar ekki að sækja seðlana í Sádi-Arabíu Mbuemo sagður vilja fara til Manchester United Hóta Abramovich lögsókn og vilja láta Úkraínu fá Chelsea peninginn Hélt boltanum á lofti í 28 klukkutíma Blessaði Ancelotti við styttuna af Jesú Kristi í Ríó Leikmenn ensku stórliðanna kvarta við leikmannasamtökin Gætu hent Crystal Palace út úr Evrópudeildinni „Okkar markmið hefur alltaf verið að vera í toppbaráttunni“ Leikmaður Barcelona fékk nýfætt barn í fangið frá stuðningsmanni Umfjöllun: Valur-Fram 2-1 | Níu stig í Valshúsi á níu dögum UEFA breytir reglu í Meistaradeildinni Tekur við liðinu sem hann barðist við í mörg ár Leikmenn í liði íslenskrar landsliðskonu féllu á lyfjaprófi Sjá meira
Aron Guðmundsson skrifar frá Lissabon Búist er við því að heimamenn muni troðfylla José Alvalade leikvanginn í Lissabon í kvöld þegar að Portúgal og Ísland mætast. Búið er að troða portúgölskum fánum í hvert einasta sæti vallarins og skipuleggja veglega sigurhátíð eftir leik til að fagna EM sæti Portúgal. Frammistaða íslenska landsliðsins í síðasta leik gegn Slóvakíu var langt í frá sannfærandi og hefur þjálfarateymi liðsins nú fengið smá tíma til að rýna í það sem gekk á þar. Klippa: Tækifæri fyrir okkur að sanna að við getum gert góða hluti saman Þurfa að takmarka mistökin „Þetta var leikur eins og við var að búast frá Slóvakíu. Þeir herjuðu af miklum krafti á okkur. En þegar að við komumst einu marki yfir fannst okkur við vera ná betri stjórn á leiknum og á þeim tímapunkti var andstæðingurinn ekki að skapa sér nein færi af ráði. Þeir fengu þó hornspyrnur og því miður í fyrsta markinu fer boltinn á milli lappanna á Alfonsi á fjærstönginni. Það er snefill af óheppni sem verður til þess að við fáum þannig mark á okkur. Svo er ákvörðun í VAR-kerfinu sem fellur gegn okkur í örðu markinu rétt fyrir lok fyrri hálfleiks. Ég tel að sú ákvörðun hafi ollið miklum pirringi meðal leikmanna.“ Frá leiknum gegn Slóvakíu á dögunum í BratislavaVísir/Getty Seinni hálfleikurinn sem fylgdi í kjölfarið hafi alls ekki verið góður hjá liðinu. „Við byrjuðum hann skelfilega. Fengum á okkur tvö mörk og þá var allt okkar leikplan fokið út um gluggann. Við þurfum að gera eitthvað í þessum mistökum sem við erum að gera okkur seka um. Þetta er ekki gott. Stundum líður manni eins og maður sé að taka skref fram á við en svo tekur maður tvö aftur á bak. Ég veit þó að til að koma á stöðugleika í liðinu þurfum við að æfa meira, vera með stöðugri landsliðshóp. Allir bestu leikmenn okkar verða að vera til taks vegna þess að leikmennirnir sem við höfum úr að velja í landsliðið eru ekki svo margir. Ég tel okkur hins vegar búa yfir sterkum leikmannahóp þegar að allir eru heilir heilsu.“ Þurfa að vera hreinskilnir með það Liðið þurfi að halda áfram að leggja á sig vinnuna. „Það er langt í marsmánuð núna en þessi tími mun líða hratt. Vonandi verða allir klárir í mars vegna þess að þegar að við erum upp á okkar besta þá lítum við mjög vel út. Úrslitin hafa kannski ekki verið með okkur í liði og stundum lítur þetta hræðilega út, eins og í seinni hálfleik á móti Slóvakíu, við verðum bara að vera hreinskilnir með það. En við þurfum að halda áfram að leggja hart að okkur. Eitt af vandamálum þess að vera með landslið að þú ert aldrei með mikinn tíma á æfingavellinum með liðið. Við þurfum því að vonast til að þetta muni koma heim og saman.“ Frá leiknum gegn Slóvakíu á dögunum í BratislavaVísir/Getty Horfa í síðasta leik gegn Portúgal Einn af betri leikjum Íslands í undankeppninni var akkúrat gegn Portúgal á Laugardalsvelli síðastliðið sumar. Leikur sem liðið lítur til fyrir leik kvöldsins. „Á móti Portúgal heima áttum við mjög góðan leik. Varnarlega vorum við mjög skipulagðir en vorum svo óheppnir undir lokin að fá þessa VAR-ákvörðun gegn okkur. Ég er mjög ánægður með þann leik hjá okkur og inn í leik kvöldsins munum við koma með sömu nálgun, sama hugarfar.“ Sammála gagnrýnendum Eftir tapið gegn Slóvakíu mátti greina mikla óánægju með spilamennsku liðsins heima fyrir og var haft orð á því að liðið væri með þessu að taka skref aftur á bak. Hvað segirðu við því? „Já þetta var skref aftur á bak. Sér í lagi ef við horfum á spilamennskuna í seinni hálfleik. Sumir dagar eru svona. Ég hafði á orði að þetta væri svartur fimmtudagur fyrir Ísland og hann var það. Þetta er pirrandi því við gerðum skelfileg mistök, leyfðum andstæðingnum að vinna boltann á hættulegum stöðum. Frá leiknum gegn Slóvakíu á dögunum í BratislavaVísir/Getty „Í fyrri hálfleik finnst okkur samt, þrátt fyrir að Slóvakía hafi verið meira með boltann eftir að við komumst yfir, við hafa verið með ágæta stjórn á leiknum. En svo eru ákveðnir þættir leiksins sem maður getur ekki haft stjórn á. Við höfum stjórn á okkar einstaklingsgæðum, að gera ekki mistök á hættulegum svæðum, og svo höfum við stjórn á leikskipulagi okkar. Mér fannst við stundum framkvæma þessa hluti vel og stundum ekki. Í grunninn þurfum við bara að sýna meiri stöðugleika sem lið og við þurfum einnig að geta valið um okkar bestu leikmenn til þess að geta keppt við þá bestu.“ Frá fyrri leik Íslands og Portúgal í undankeppninni á Laugardalsvelli.Vísir/Vilhelm Gunnarsson Gott tækifæri Að leiknum gegn Portúgal. Það yrði alltaf til mikils að ætlast að næla í úrslit gegn Portúgal en hvað viltu sjá frá þínu liði í þessum leik? „Ég vil sjá gott skipulag. Við þurfum að sýna stöðugleika í varnarleik okkar og framkvæma hlutina hratt fram á við þegar að við vinnum boltann. Við búum að góðri reynslu frá leik okkar gegn Portúgal fyrr á árinu á Laugardalsvelli. Þetta er gott tækifæri fyrir okkur að sanna að við getum gert góða hluti saman. Ég hef talað um það við leikmennina. Að gott skipulag sé á okkar leik, það mun skipta höfuðmáli í þessum leik.“ Leikur Portúgal og Íslands í undankeppni EM 2024 verður sýndur í beinni útsendingu og opinni dagskrá á Stöð 2 Sport og hefst upphitun klukkan 19:10. Leikar hefjast svo korter í átta.
Landslið karla í fótbolta EM 2024 í Þýskalandi Mest lesið Í beinni: Ísland - Frakkland | Ögurstund á glænýjum velli Fótbolti Gætu hent Crystal Palace út úr Evrópudeildinni Enski boltinn Sá glitta í þá Söru Sigmunds sem við þekkjum svo vel Sport Hóta Abramovich lögsókn og vilja láta Úkraínu fá Chelsea peninginn Enski boltinn Ummæli Davíðs Smára ekki á borði aganefndar Íslenski boltinn Bruno ætlar ekki að sækja seðlana í Sádi-Arabíu Enski boltinn Badmus á förum en Valur heldur íslenskum lykilmönnum Körfubolti Sýndu reiði Davíðs skilning en fannst hann fara yfir strikið Íslenski boltinn Leikurinn sem gæti leitt stelpurnar að HM í fyrsta sinn Fótbolti Leikmenn ensku stórliðanna kvarta við leikmannasamtökin Enski boltinn Fleiri fréttir Sænsku stelpurnar fóru illa með þær dönsku og eru komnar i úrslit Spánverjar héldu toppsætinu og stelpurnar hennar Betu komust í umspilið Sparta heldur Nökkva Þey en missir Kristian Nökkva Ágúst Gylfason snýr aftur í boltann og tekur við Leikni Í beinni: Ísland - Frakkland | Ögurstund á glænýjum velli Dagný, Guðný og Agla María koma allar inn í byrjunarliðið „Þá verður þú bara að taka höggin“ Bönnin þegar Besta hefst aftur: Víkingar missa lykilmann og Vestri án tveggja Inzaghi hættur með Inter og stýrir nýju liði á HM Sara Björk hittir áhorfendur og sendir stelpunum okkar EM kveðju „Ætlum að stríða þeim aftur“ Pétur Rúnar á bekknum hjá Stólunum í 3. deildinni Sancho samdi ekki við Chelsea sem þarf að borga sekt Leikurinn sem gæti leitt stelpurnar að HM í fyrsta sinn Ummæli Davíðs Smára ekki á borði aganefndar Mikil spenna fyrir vígsluleiknum á Laugardalsvelli Sýndu reiði Davíðs skilning en fannst hann fara yfir strikið Bruno ætlar ekki að sækja seðlana í Sádi-Arabíu Mbuemo sagður vilja fara til Manchester United Hóta Abramovich lögsókn og vilja láta Úkraínu fá Chelsea peninginn Hélt boltanum á lofti í 28 klukkutíma Blessaði Ancelotti við styttuna af Jesú Kristi í Ríó Leikmenn ensku stórliðanna kvarta við leikmannasamtökin Gætu hent Crystal Palace út úr Evrópudeildinni „Okkar markmið hefur alltaf verið að vera í toppbaráttunni“ Leikmaður Barcelona fékk nýfætt barn í fangið frá stuðningsmanni Umfjöllun: Valur-Fram 2-1 | Níu stig í Valshúsi á níu dögum UEFA breytir reglu í Meistaradeildinni Tekur við liðinu sem hann barðist við í mörg ár Leikmenn í liði íslenskrar landsliðskonu féllu á lyfjaprófi Sjá meira