UEFA ákveður að leikur Belga og Svía verði aldrei kláraður

Leikmenn og starfsmenn sænska liðsins fréttu af því fyrst í hálfleik að tveir Svíar höfðu verið skotnir til bana í hryðjuverkaárás í miðborg Brussel.

Staðan var 1-1 eftir fyrstu 45 mínúturnar en dómarar ákváðu að hætta af leik af öryggisástæðum en hryðjuverkamaðurinn gekk þá enn laus.

Árásin varð gerð stuttu frá leikvanginum og fórnarlömbin voru tveir Svíar sem voru komnir til Belgíu til að fylgjast með leiknum.

UEFA hefur nú gefið það út að seinni hálfleikurinn verði aldrei kláraður og að opinbera lokatölur hans verði 1-1. Leikurinn skipti engu máli því Belgar voru öruggir inn á EM en Svíar úr leik.

Árásarmaðurinn var 45 ára gamall en hann var skotinn til bana af lögreglu daginn eftir.