Ten Hag: Við styðjum öll við bakið á Rashford

Manchester United hefur ekki átt sjö dagana sæla upp á síðkastið en liðið hefur tapað mikið af leikjum, bæði í deildinni sem og í Meistaradeildinni. Einnig hafa eikmenn á borð við Marcus Rashford verið skugginn af sjálfum sér. En Erik Ten Hag hefur þó ekki áhyggjur af honum.

„Hann hefur átt erfitt upp á síðkastið en við vitum öll hvað hann getur,“ byrjaði Ten Hag að segja.

„Ef liðið heldur áfram að gera rétta hluti, finna hann í réttum svæðum með góðum sendingum,þá mun þetta ganga upp og hann mun skora.“

„Allir hjá Manchester United eru að styðja við bakið á honum. Liðið styður hann og hefur trú á honum og ég er viss um að þetta sé tímaspursmál. Framherjar þurfa oft bara eitt mark til þess að komast yfir hindrun og þá komast þeir í gang aftur,“ endaði Ten Hag að segja.