Sænskur draumur eftir hvatvísa ákvörðun Ásu og Leos

Ása tilkynnti tímamótin á samfélagsmiðlinum Instagram.

„Við keyptum okkur hús. Við erum orðin húseigendur í Svíþjóð,“ skrifar Ása og lýsir aðdragandanum að kaupunum:🫶🏼

„Eftir heimsókn okkar til Svíþjóðar í vor tókum við afar hvatvísa ákvörðun og keyptum okkur hús. Líkt og þið mögulega vitið nú þegar erum við fjölskylda með íslenskar og sænskar rætur.“ 

Ása segir kaupin gera fjölskyldunni kleift að njóta þess besta frá báðum löndum. 

„Það skemmtilegasta er í þann mund að hefjast. Nýja sænska heimilið okkar býður upp á marga möguleika sem þarf þó að gera upp og endurnýja töluvert,“ segir Ása sem mun gefa fylgjendum sínum innsýn í þá skemmtilegu vegferð sem framundan er.

Rætt var við Ásu í Íslandi í dag árið 2019.

Ása og Leo giftu sig í júlí í fyrra á eyj­unni Vis í Króa­tíu en eyj­una kann­ast marg­ir við úr kvik­mynd­inni Mamma Mia. Saman eiga þau drenginn Atlas sem fæddist í janúar 2022. 

Ása hefur getið sér gott orð fyrir stórbrotnar landslagsmyndir hérlendis sem og víða um heim. Myndir hennar hafa meðal annars fengið birtingu í tískutímaritinu Vogue þar sem hún starfar að hluta til. Hún hefur ferðast um allan heim og komið til 53 landa á ferli sínum.