Veit ekkert hvað er heitt

Sindri Sindrason ræddi við Marínu í Íslandi í dag á Stöð 2 í gærkvöldi. Dómarar í þáttunum eru þau Ísak Freyr Helgason og Harpa Káradóttir sem margir ættu að kannast við úr förðunarheiminum hér á landi.

Keppendur í þáttunum eru átta og aðeins konur að þessu sinni.

„Þetta fór bara svona, það sóttu bara stelpur um og þannig endaði þetta,“ segir Ísak en Marín Manda hvetur stráka til að sækja um ef önnur þáttaröð verði framleidd.

Sindri spurði Ísak hvað væri heitt í þessum fræðum og svarið var einfalt.

„Ég veit það ekki.“

Hér að neðan má sjá brot úr Íslandi í dag innslagi gærkvöldsins en hægt er að sjá það í heild sinni inni á Stöð 2+.