Belgar með nauman sigur

Belgía var fyrir leikinn í dag í öðru sæti riðilsins eftir að hafa leikið þrjá leiki. Liðið var þremur stigum á eftir Austurríki sem leikið hafði einum leik meira. Aserbaisjan var hins vegar á botninum með aðeins eitt stig.

Það var aðeins eitt mark skorað í leiknum í dag. Það gerði Yannick Carrasco sjö mínútum fyrir lok fyrri hálfleiks. Belgar voru sterkari aðilinn í leiknum en tókst þó ekki að bæta við mörkum í síðari hálfleiknum.

Svíar mæta Eistum í sama riðli á eftir og þurfa nauðsynlega á sigri að halda. Svíar eru aðeins með þrjú stig eftir þrjá leiki og eru að missa af lestinni til Þýskalands á næsta ári.