Skoraði tuttugu stig á innan við fjórum mínútum

Clarkson, sem spilar fyrir Utah Jazz í NBA-deildinni, á ættir að rekja til Filipseyja og spilar því með þjóðinni á HM í körfubolta sem nú fer fram Filipseyjum, Indónesíu og Japan. Hann sýndi allar sínar bestu hliðar gegn Kína í dag.

Leiknum lauk með öruggum 21 stigs sigri Filipseyja, lokatölur 96-75. Sigurinn var hins vegar mörgu leyti Clarkson að þakka sem fór gjörsamlega hamförum. Þá sérstaklega á fjögurra mínútna kafla í leiknum. Alls skoraði Clarkson 34 stig, gaf 3 stoðsendingar og tók 2 fráköst.

Var þetta fyrsti sigur Filipseyja á mótinu en liðið hafði tapað fyrstu fjórum leikjum sínum.