Max Verstappen á ráspól í rigningunni í Hollandi

Siggeir Ævarsson skrifar 26. ágúst 2023 15:01

Max Verstappen lét ekki rigninguna slá sig útaf laginu í dag. Vísir/Getty

Max Verstappen verður á ráspól á Zandvoort brautinni í Hollandi á morgun eftir glæsilegan lokahring í tímatökum í dag. Þetta er þriðja árið í röð sem Verstappen verður á ráspól í Hollandi og í áttunda skiptið í ár sem hann ræsir fyrstur.

Verstappen tryggði sér besta tíma dagsins á sínum síðasta hring og var um hálfri sekúndu á undan Lando Norris sem keyrir fyrir McLaren og George Russel hjá Mercedes. Það gekk á ýmsu í tímatökunum í dag og rauða flaggið fór ítrekað á loft.

Leclerc skidded off onto the grass and took a fairly hefty hit to the barriers

Pride bruised, otherwise okay #DutchGP #F1 pic.twitter.com/L7avBtLK9V
— Formula 1 (@F1) August 26, 2023

Hvorugur bíll Alfa Romeo náði að ljúka tímatökunni og þá var Lewis Hamilton útilokaður frá frekari tímatöku eftir aðra umferð og verður að gera sér 13. sætið að góðu á morgun.

Úrslit tímatökunnar í heild má sjá hér

Útsending frá keppninni hefst á morgun kl. 12:30 og verður í beinni útsendingu á Vodafone Sport.

Akstursíþróttir