Hundrað og þriggja ára gömul amma upp­lifði drauminn á PGA-móti

Að fara á PGA-mót í golfi er góð skemmtun. Sum bíða lengur en önnur með að fara en Susie hefur þó eflaust beðið lengur en flestir. Hún segir að eftir hundrað ára afmæli sitt, þar sem tólf kylfingar sendu henni afmæliskveðju þá ákvað hún að skella sér.

„Ég er mikill golfaðdáandi og horfi á gríðarlega mikið á golf. Ég þekki flest alla kylfingana vel,“ sagði Susie. Þrátt fyrir það fór hún ekki á mót í PGA-mótaröðinni fyrr en nýverið og var heimsókninni gerð góð skil á samfélagsmiðlum PGA.

Hitti hún meðal annars Collin Morikawa sem er í 20. sæti á heimslistanum. Hann var einn af þeim tólf kylfingum sem sendi henni afmæliskveðju fyrir þremur árum síðan.

„Ég gefst aldrei upp á þér,“ sagði Susie kímin þegar Morikawa sagðist vera mjög glaður að hitta hana og hann væri að vinna í endurkomu sinni. Einnig hitti hún Rory McIlroy, Tommy Fleetwood og Rickie Fowler.

Innslag PGA-mótaraðarinnar um „ömmu“ Susie má sjá hér að ofan.