Viktor Jónsson með fernu í fyrsta tapi Aftureldingar í Lengjudeildinni

Viktor Jónsson var maður leiksins og í miklu aðalhlutverki í sigri Skagamanna. Hann gerði fjögur mörk af fimm og olli miklum usla í varnarleik Aftureldingar. ÍA komst í forystu á 35. mínútu og var þar Viktor Jónsson af verki eftir stoðsendingu frá Steinar Þorsteinssyni og þannig var staðan í hálfleik.

Í seinni hálfleik fór hinsvegar allt í háa loft. Viktor tvöfaldaði forskot gestanna á 53. mínútu áður en Ásgeir Marteinsson minnkaði muninn átta mínútum síðar og við það gengu gestirnir af göflunum og frá leiknum. Á 64. mínútu skoraði Hlynur Sævar Jónsson þriðja mark ÍA og á 69. mínútu fullkomnaði Viktor þrennuna sína. Hann var alls ekki hættur og skoraði fjórða mark sitt og fimmta mark sinna manna á 72. mínútu. Aron Elí Sævarsson klóraði í bakkann á 83. mínútu en þar við sat.

Fyrsta tap Aftureldingar þetta tímabilið staðreynd og örlítið meiri spenna hlaupin í baráttuna um efsta sætið í Lengjudeildinni. ÍA náði með sigrinum að minnka forskot Aftureldingar niður í átta stig en eiga leik til góða og með sigri þar getur munurinn verið fimm stig fyrir loka átökin. Það verður þó að segjast að Afturelding sé enn með pálmann í höndunum varðandi það að koma sér upp í Bestu deild karla.