BBQ kóngurinn: Allt undir kíló er bara álegg

„Þetta er svo stór steik að það er eiginlega ekki pláss fyrir meðlætið. Meðlætið skiptir engu máli, bara steikin,“ sagði hann í þættinum. Sjón er sögu ríkari.

Horfa má á þáttinn hér og nálgast má uppskriftina og aðferð fyrir neðan.

Hér má sjá fleiri uppskriftir og þætti frá BBQ kónginum.

Risa porterhouse steik

• 1,5kg Porterhouse steik (vegna þess að allt undir kíló er bara álegg)
• Olía
• Umami krydd (fæst á bbqkongurinn.is)
• Brokkolíní
• Teriyaki
• Hunang
• Olía

Setjið olíu á kjötið og kryddið með Umami.

Kyndið grillið í 120 gráður.

Setjið kjöthitamæli í miðja steikina og eldið hana á óbeinum hita þar til hún hefur náð 52 gráðum í kjarnhita

Takið steikina af og kyndið grillið í botn.

Lokið kjötinu á sjóðandi heitu grillinu.

Hvílið kjötið í 10 mínútur

Setjið brokkolíní í ziplock poka ásamt teriyaki, hunangi og olíu. Hristið vel.

Grillið á háum hita þar til fallega brennt og tilbúið. Skreytið með pikkluðum sinnepsfræjum.

Kartöflusmælki með kryddolíu:

• Kartöflusmælki
• 3 Hvítlauksgeirar
• Grillsalt með hvítlauk (fæst á bbqkongurinn.is)
• Steinselja
• Olía

Setjið hvítlauk, grillsalt og steinselju í mortel og kremjið saman. Bætið við olíu og salti eftir smekk.

Setjið kartöflur í steypujárnspönnu og hellið kryddolíunni yfir.

Eldið þar til kartöflurnar verða stökkar að utan og mjúkar í gegn.

Pikkluð sinnepsfræ:

• 1 Hluti sinnepsfræ
• 1 Hluti eplaedik
• 1 Hluti vatn
• 1 Hluti sykur

Blandið saman eplaediki, vatni og sykri í pott, náið upp suðu og hrærið þar til sykurinn leysist upp.

Hellið sinnepsfræjum út í og sjóðið í eina mínútu.

Hellið í glerkrukku og kælið. Pikkluð sinnepsfræ geymast vel í nokkra mánuði í ísskáp.