Golf

Dagbjartur fór holu í höggi í Slóvakíu

Hjörvar Ólafsson skrifar
Dagbjartur var að vonum kampakátur með að hafa farið holu í höggi. 
Dagbjartur var að vonum kampakátur með að hafa farið holu í höggi.  Mynd/kylfingur.is

Dagbjartur Sigurbrandsson, landsliðskylfingur fór holu í höggi þegar hann sló inn á 16. braut á Green Resort Hrubá Borša golfvellinum í Slóvakíu en þar keppir hann með íslenska landsliðinu á Evrópumóti landsliða þessa dagana.

Þetta kemur fram í frétt á kylfingur.is en þar segir að höggið hafi verið 130 metrar

„Þegar ég sá boltann í loftinu þá fannst mér hann mjög liklegur að fara í holu. Boltinn lenti um tvo metra fyrir aftan stöngina og rúllaði svo til baka ofan í holu, eins og þetta væri pútt,“ sagði Dagbjartur í samtali við kylfing.is.  

Dagbjartur vann sína viðureign í holukeppninni á lokabrautinni þar sem hann fékk fugl. Ísland tapaði hins vegar rimmu sinni við Tyrki 3-2. 

Þetta var fimmta draumahögg Dagbjartar á ferli hans sem kylfingur.

Mest lesið


Fleiri fréttir

Sjá meira


×

Mest lesið