Mar­dís, Tracey og Elísa­bet ráðnar til atNorth

Í tilkynningu frá félaginu segir að Mardís taki við starfi forstöðumanns stefnumótunar. 

„Hún kemur til atNorth frá hugbúnaðarfyrirtækinu SS&C Advent í New York. Mardís býr að 9 ára reynslu af stefnumótun, stefnuinnleiðingu og verkefna- og breytingastjórnun. Hjá atNorth mun hún leiða innleiðingu stefnu og þróa og stýra umbótaverkefnum sem miða að því að efla rekstur félagsins. 

Tracey Pewtner, er nýr forstöðumaður markaðsmála atNorth. Hennar hlutverk er að auka vörumerkjavitund á markaðnum og styðja við vöxt félagins með grípandi markaðsstarfi. Sérstök áhersla verður lögð á sjálfbærni í rekstri atNorth og tækifæri viðskiptavina til að minnka umhverfisspor sitt með kaupum á þjónustu atNorth. Tracey er reynslubolti úr greininni, eftir 13 ára starf í gagnaversiðnaðinum. Hún var m.a. vörumerkjastjóri STACK EMEA Nordics þar sem hún hlaut fjölda verðlauna fyrir markaðsstarfið. 

Elísabet Árnadóttir er nýr forstöðumaður öryggismála og regluvörður atNorth. Hún var áður öryggisstjóri Rapyd og Advania og sjálfstætt starfandi sem öryggisráðgjafi fyrir atNorth. Hún mun fylgja eftir einarði stefnu félagsins í öryggis- og hlítingarmálum, þar sem fylgni við ströngustu öryggis-, gæða- og sjálfbærnistaðla er lykilatriði í rekstrinum. Elísabet hefur 10 ára reynslu af upplýsinga- og netöryggi og gæðastjórnun, þar á meðal ISO 27001,og mun hafa yfirumsjón með þeim málaflokkum hjá atNorth,“ segir í tilkynningunni.

atNorth rekur sex gagnaver á Íslandi, Svíþjóð og Finnlandi og hyggur á frekari uppbyggingu.