Einkunnir Íslands: Guðlaugur Victor aftur bestur Íþróttadeild skrifar 20. júní 2023 21:08 Guðlaugur Victor Pálsson verst hér gegn Rafael Leao leikmanni Portúgal. Vísir/Vilhelm Þrátt fyrir stórgóða frammistöðu þurfti íslenska karlalandsliðið í fótbolta að sætta sig við tap fyrir Portúgal, 0-1, í undankeppni EM 2024 í kvöld. Cristiano Ronaldo skoraði eina markið í kvöld, í sínum tvö hundraðasta landsleik. Markið var upphaflega dæmt af vegna rangstöðu en svo dæmt gilt eftir myndbandsskoðun. Íslendingar léku manni færri síðustu níu mínútur leiksins eftir að Willum Þór Willumsson fékk sitt annað gula spjald og þar með rautt. Annan leikinn í röð var Guðlaugur Victor Pálsson besti leikmaður íslenska liðsins. Hann spilaði á miðjunni gegn Slóvakíu en í miðri vörninni í kvöld og var frábær. Margir aðrir leikmenn íslenska liðsins spiluðu vel í kvöld þótt það hafi ekki dugað til þess að fá stig út úr leiknum. Einkunnagjöf Íslands: Byrjunarlið: Rúnar Alex Rúnarsson, markvörður 7 Varði vel og hélt boltanum eftir skalla Pepes eftir hornspyrnu í fyrri hálfleik. Varði stórkostlega frá Ronaldo þegar rangstaða var dæmd. Hefði mátt vera ákveðnari í marki Portúgals. Valgeir Lunddal Friðriksson, hægri bakvörður: 8 Aðeins hans annar „alvöru“ A-landsleikur og gerði frábærlega gegn Rafael Leao og Joao Cancelo. Getur verið einkar stoltur af frammistöðu sinni í kvöld. Guðlaugur Victor Pálsson, miðvörður 9 (Maður leiksins) Leið einstaklega vel í miðverðinum. Var alltaf á réttum stað varnarlega og var með Ronaldo í vasanum á meðan jafnt var í liðum. Fékk besta færi Íslands á 23. mínútu. Aðdáunarverð frammistaða, annan leikinn í röð. Sverrir Ingi Ingason, miðvörður 9 Hann og Guðlaugur Victor frábærir í hjarta varnarinnar í dag. Portúgal komst lítt áleiðis gegn öflugri varnarlínu Íslands meðan jafnt var í liðum. Hörður Björgvin Magnússon, vinstri bakvörður 7 Spilaði vinstri bakvörð í dag, naut sín vel framan af og átti nokkrar frábærar sendingar upp völlinn sem voru nálægt því að skapa usla. Varðist vel en spilaði leikmann Portúgals réttstæðan í sigurmarki leiksins. Willum Þór Willumsson, hægri kantmaður 7 Frábær fram á 81. mínútu þegar hann fór í fáránlega tæklingu á gulu spjaldi. Það reyndist dýr ákvörðun. Hefur annars komið gríðarlega sterkur inn í íslenska liðið í leikjunum tveimur og stimplað sig inn í það. Hélt boltanum vel og var óhræddur með hann. Arnór Ingvi Traustason, miðjumaður 8 Yfirvegaður og agaður. Leit út fyrir að hafa hreinlega ekki gert annað en að spila sem djúpur miðjumaður. Allt annað að sjá hann í þessari leikstöðu heldur en í 0-3 tapinu gegn Bosníu-Hersegóvínu. Fyrirtaks frammistaða. Jóhann Berg Guðmundsson, miðjumaður 8 Átti góðar fyrirgjafir í fyrri hálfleik. Vann vel með Arnóri Ingva á miðri miðjunni og lokaði svæðum af samviskusemi. Gerði vel þegar hann fékk boltann og reyndi að halda honum. Jón Dagur Þorsteinsson, vinstri kantmaður: 8 Hættulegasti leikmaður íslenska liðsins. Alltaf ógnandi og fór illa með Diogo Dalot, hægri bakvörð Portúgals, sem fékk gult spjald. Spilaði einnig góða vörn og gerði vel í að pirra Portúgalana. Albert Guðmundsson, framherji: 7 Fékk ekki úr miklu að moða fremst á vellinum en dró sig aftar til að fá boltann. Skilaði góðri varnarvinnu. Var betri í fyrri hálfleik en þeim seinni. Alfreð Finnbogason, framherji: 6 Lagði upp færi fyrir Guðlaug Victor í fyrri hálfleik. Hafði annars úr litlu að moða. Gerði ágætlega en var lítt áberandi. Varamenn Ísak Bergmann Jóhannesson - Kom inn fyrir Arnór Ingva á 74. mínútu Ágætis barátta en komst ekki í mikinn takt við leikinn. Spilaði of lítið til að fá einkunn. Sævar Atli Magnússon - Kom inn fyrir Alfreð á 74. mínútu Kom inn á í fremstu víglínu en var svo færður út á hægri kantinn eftir að Willum var rekinn út af. Spilaði of lítið til að fá einkunn. Alfons Sampsted - Kom inn fyrir Valgeir á 79. mínútu Spilaði of lítið til að fá einkunn. Hákon Arnar Haraldsson - Kom inn fyrir Jón Dag á 79. mínútu Spilaði of lítið til að fá einkunn. EM 2024 í Þýskalandi Landslið karla í fótbolta Mest lesið Andri Rafn fimmti í þrjú hundruð leikja klúbbinn Íslenski boltinn Hvergerðingar í úrslit umspilsins Körfubolti „Erfitt að spila á móti liði sem fær þrjár villur í seinni“ Körfubolti KA Íslandsmeistari og tók alla titlana Sport Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Íslenski boltinn Jafnt á Emirates og Liverpool þarf að bíða Enski boltinn Embla og Eva Björk í ham þegar Stjarnan komst yfir Handbolti „Adam Ægir hefði alveg mátt gefa á mig“ Fótbolti Uppgjörið: ÍA - Vestri 0-2 | Taplausir Vestramenn sóttu sigur á Skagann Íslenski boltinn „Ég fer bara sáttur á koddann“ Íslenski boltinn Fleiri fréttir Andri Rafn fimmti í þrjú hundruð leikja klúbbinn Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Öruggt hjá Milan og þrennudraumur Inter úr sögunni Real Madrid pressar á Barcelona en Orri og félagar í vandræðum „Ég fer bara sáttur á koddann“ „Adam Ægir hefði alveg mátt gefa á mig“ Jafnt á Emirates og Liverpool þarf að bíða Uppgjörið: ÍA - Vestri 0-2 | Taplausir Vestramenn sóttu sigur á Skagann „Byrjum ekki leikinn fyrr en eftir 20 mínútur“ „Kærkominn sigur eftir vonbrigðin í fyrstu umferðunum“ „Gæti vel verið en það er bara fókus á næsta leik“ Uppgjörið: FH - KR 2-2 | Bæði lið enn án sigurs Uppgjörið: Valur - KA 3-1 | Jónatan Ingi sýndi sínar bestu hliðar í fyrsta sigri Vals Ari á skotskónum í dramatískum sigri Elfsborg Meistaradeildarvonir Alberts og félaga vænkast Arteta ætlar ekki að hvíla Saka fyrir Meistaradeildina Þórdís Hrönn með stoðsendingu fyrir sjötta félagið í efstu deild Sagan segir að Arsenal vinni Meistaradeildina Real Madrid fer liða verst út úr myndbandsdómgæslunni Rekstur Chelsea: Eins og að tapa sextíu milljónum á dag í tíu ár „Ekki fallegt að sjá hvernig farið er með Ancelotti“ „Vilhjálmur Birgisson vill meina að hann hafi uppgötvað mig sem þjálfara“ Velta því fyrir sér hvort níska Liverpool komi í veg fyrir að Nunez spili Klásúlan virkjuð en enn óvíst hvort Chelsea kaupi Sancho Fresta fleiri fótboltaleikjum vegna fráfalls Frans páfa Tveir úrskurðaðir í bann fyrir sextán liða úrslitin Uppgjörið: Þróttur - Breiðablik 2-2 | Samantha bjargaði stigi „Fótbolti er þannig að allir þurfa að taka ábyrgð“ Uppgjörið: Stjarnan - Víkingur 2-6 | Áslaug Dóra með þrennu í stórsigri Víkinga „Skoraði síðast þrennu í sjöunda flokki“ Sjá meira
Cristiano Ronaldo skoraði eina markið í kvöld, í sínum tvö hundraðasta landsleik. Markið var upphaflega dæmt af vegna rangstöðu en svo dæmt gilt eftir myndbandsskoðun. Íslendingar léku manni færri síðustu níu mínútur leiksins eftir að Willum Þór Willumsson fékk sitt annað gula spjald og þar með rautt. Annan leikinn í röð var Guðlaugur Victor Pálsson besti leikmaður íslenska liðsins. Hann spilaði á miðjunni gegn Slóvakíu en í miðri vörninni í kvöld og var frábær. Margir aðrir leikmenn íslenska liðsins spiluðu vel í kvöld þótt það hafi ekki dugað til þess að fá stig út úr leiknum. Einkunnagjöf Íslands: Byrjunarlið: Rúnar Alex Rúnarsson, markvörður 7 Varði vel og hélt boltanum eftir skalla Pepes eftir hornspyrnu í fyrri hálfleik. Varði stórkostlega frá Ronaldo þegar rangstaða var dæmd. Hefði mátt vera ákveðnari í marki Portúgals. Valgeir Lunddal Friðriksson, hægri bakvörður: 8 Aðeins hans annar „alvöru“ A-landsleikur og gerði frábærlega gegn Rafael Leao og Joao Cancelo. Getur verið einkar stoltur af frammistöðu sinni í kvöld. Guðlaugur Victor Pálsson, miðvörður 9 (Maður leiksins) Leið einstaklega vel í miðverðinum. Var alltaf á réttum stað varnarlega og var með Ronaldo í vasanum á meðan jafnt var í liðum. Fékk besta færi Íslands á 23. mínútu. Aðdáunarverð frammistaða, annan leikinn í röð. Sverrir Ingi Ingason, miðvörður 9 Hann og Guðlaugur Victor frábærir í hjarta varnarinnar í dag. Portúgal komst lítt áleiðis gegn öflugri varnarlínu Íslands meðan jafnt var í liðum. Hörður Björgvin Magnússon, vinstri bakvörður 7 Spilaði vinstri bakvörð í dag, naut sín vel framan af og átti nokkrar frábærar sendingar upp völlinn sem voru nálægt því að skapa usla. Varðist vel en spilaði leikmann Portúgals réttstæðan í sigurmarki leiksins. Willum Þór Willumsson, hægri kantmaður 7 Frábær fram á 81. mínútu þegar hann fór í fáránlega tæklingu á gulu spjaldi. Það reyndist dýr ákvörðun. Hefur annars komið gríðarlega sterkur inn í íslenska liðið í leikjunum tveimur og stimplað sig inn í það. Hélt boltanum vel og var óhræddur með hann. Arnór Ingvi Traustason, miðjumaður 8 Yfirvegaður og agaður. Leit út fyrir að hafa hreinlega ekki gert annað en að spila sem djúpur miðjumaður. Allt annað að sjá hann í þessari leikstöðu heldur en í 0-3 tapinu gegn Bosníu-Hersegóvínu. Fyrirtaks frammistaða. Jóhann Berg Guðmundsson, miðjumaður 8 Átti góðar fyrirgjafir í fyrri hálfleik. Vann vel með Arnóri Ingva á miðri miðjunni og lokaði svæðum af samviskusemi. Gerði vel þegar hann fékk boltann og reyndi að halda honum. Jón Dagur Þorsteinsson, vinstri kantmaður: 8 Hættulegasti leikmaður íslenska liðsins. Alltaf ógnandi og fór illa með Diogo Dalot, hægri bakvörð Portúgals, sem fékk gult spjald. Spilaði einnig góða vörn og gerði vel í að pirra Portúgalana. Albert Guðmundsson, framherji: 7 Fékk ekki úr miklu að moða fremst á vellinum en dró sig aftar til að fá boltann. Skilaði góðri varnarvinnu. Var betri í fyrri hálfleik en þeim seinni. Alfreð Finnbogason, framherji: 6 Lagði upp færi fyrir Guðlaug Victor í fyrri hálfleik. Hafði annars úr litlu að moða. Gerði ágætlega en var lítt áberandi. Varamenn Ísak Bergmann Jóhannesson - Kom inn fyrir Arnór Ingva á 74. mínútu Ágætis barátta en komst ekki í mikinn takt við leikinn. Spilaði of lítið til að fá einkunn. Sævar Atli Magnússon - Kom inn fyrir Alfreð á 74. mínútu Kom inn á í fremstu víglínu en var svo færður út á hægri kantinn eftir að Willum var rekinn út af. Spilaði of lítið til að fá einkunn. Alfons Sampsted - Kom inn fyrir Valgeir á 79. mínútu Spilaði of lítið til að fá einkunn. Hákon Arnar Haraldsson - Kom inn fyrir Jón Dag á 79. mínútu Spilaði of lítið til að fá einkunn.
EM 2024 í Þýskalandi Landslið karla í fótbolta Mest lesið Andri Rafn fimmti í þrjú hundruð leikja klúbbinn Íslenski boltinn Hvergerðingar í úrslit umspilsins Körfubolti „Erfitt að spila á móti liði sem fær þrjár villur í seinni“ Körfubolti KA Íslandsmeistari og tók alla titlana Sport Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Íslenski boltinn Jafnt á Emirates og Liverpool þarf að bíða Enski boltinn Embla og Eva Björk í ham þegar Stjarnan komst yfir Handbolti „Adam Ægir hefði alveg mátt gefa á mig“ Fótbolti Uppgjörið: ÍA - Vestri 0-2 | Taplausir Vestramenn sóttu sigur á Skagann Íslenski boltinn „Ég fer bara sáttur á koddann“ Íslenski boltinn Fleiri fréttir Andri Rafn fimmti í þrjú hundruð leikja klúbbinn Uppgjörið: Breiðablik - Stjarnan 2-1 | Fyrirliðinn kom heimamönnum til bjargar Öruggt hjá Milan og þrennudraumur Inter úr sögunni Real Madrid pressar á Barcelona en Orri og félagar í vandræðum „Ég fer bara sáttur á koddann“ „Adam Ægir hefði alveg mátt gefa á mig“ Jafnt á Emirates og Liverpool þarf að bíða Uppgjörið: ÍA - Vestri 0-2 | Taplausir Vestramenn sóttu sigur á Skagann „Byrjum ekki leikinn fyrr en eftir 20 mínútur“ „Kærkominn sigur eftir vonbrigðin í fyrstu umferðunum“ „Gæti vel verið en það er bara fókus á næsta leik“ Uppgjörið: FH - KR 2-2 | Bæði lið enn án sigurs Uppgjörið: Valur - KA 3-1 | Jónatan Ingi sýndi sínar bestu hliðar í fyrsta sigri Vals Ari á skotskónum í dramatískum sigri Elfsborg Meistaradeildarvonir Alberts og félaga vænkast Arteta ætlar ekki að hvíla Saka fyrir Meistaradeildina Þórdís Hrönn með stoðsendingu fyrir sjötta félagið í efstu deild Sagan segir að Arsenal vinni Meistaradeildina Real Madrid fer liða verst út úr myndbandsdómgæslunni Rekstur Chelsea: Eins og að tapa sextíu milljónum á dag í tíu ár „Ekki fallegt að sjá hvernig farið er með Ancelotti“ „Vilhjálmur Birgisson vill meina að hann hafi uppgötvað mig sem þjálfara“ Velta því fyrir sér hvort níska Liverpool komi í veg fyrir að Nunez spili Klásúlan virkjuð en enn óvíst hvort Chelsea kaupi Sancho Fresta fleiri fótboltaleikjum vegna fráfalls Frans páfa Tveir úrskurðaðir í bann fyrir sextán liða úrslitin Uppgjörið: Þróttur - Breiðablik 2-2 | Samantha bjargaði stigi „Fótbolti er þannig að allir þurfa að taka ábyrgð“ Uppgjörið: Stjarnan - Víkingur 2-6 | Áslaug Dóra með þrennu í stórsigri Víkinga „Skoraði síðast þrennu í sjöunda flokki“ Sjá meira