Dimma býr í þessu búri á heimili sínu í Heiðmörkinni. Hún er þriggja ára gömul og er taminn af eiganda sínum en mikil og góð vinátta er á milli þeirra. Þá er Stóri Dan líka á heimilinu, tíkin Rjúpa en hún og Dimma eru miklir félagar. Við höfum áður sagt frá þessum góðum vinum en nú hafa þau stækkað og þroskast enn frekar.
„Dimma er orðinn þriggja ára gömul og býr hér hjá okkur í góðu yfirlæti í mikilli sátt við vinkonu sína hana Rjúpu. Dimma hefur oft haldið bara að hún sé hundur. Hún geltir þegar það koma gestir og þær leika svona eins og hundar gera,“ segir Jóhanna Helgi Hlöðversson, eigandi þeirra og bætir við. „Hrafnar eru bara ótrúlega gáfaðir og skemmtileg dýr, rosalega fljótir að læra og læra oft að tala.“
Gestir sem heimsækja Jóhanna Helga verða yfirleitt kjaftstopp þegar þeir sjá Dimmu og komast í snertingu við hana enda er hún mjög tignarleg og fallegur fugl, sem vill öllum vel.
Hvað er skemmtilegast við hana?
„Bara hvað hún er skýr og yndisleg í alla staði, ótrúlegur fugl. Hrafnar eru bara ótrúlegir fuglar enda taldir ein af fjórum gáfuðustu dýrategundum í heimi.“
Dimma fær fjölbreyttan mat en þegar kemur að pönnukökum þá er hún í essinu þínu því þær eru í mestu uppáhaldi hjá henni og skemmtilegast þykir henni borða þær beint úr munni Jóhanns Helga.
„Hrafnar borða allt, þeir eru bara alætur. Auðvitað reynir maður að gefa henni hráfæði eins og egg, hakk og þess háttar og svo bara matarafganga,“ segir Jóhanna Helgi ánægður með Dimmu sína og Rjúpu.
